Jeremias 51:9 - BIBLIA - traduson antigu in Krioulo

⁹ Stranjerus ku moraba la e fala: ‘No tenta kura Babilonia, ma i ka san. Bo disal; kada kin ta bai si tera, pabia si julgamentu bai te na seu, i subi te na nuvens mas altu.’ ”

Jeremias 51:9 ပူးပေါင်းရင်းမြစ်များ

2 Kronikas 28:9

I staba la un anunsiadur di SIÑOR comadu Obed. I bai kontra ku tropas ku na ribaba pa Samaria, i fala elis: “Manera ku SIÑOR Deus di bo papes ten raiba kontra Judá, i ntrega elis na bo mon, ma abos bo mata elis ku raiba ku ciga na seu.

Esdras 9:6

N fala: “Ña Deus! N sta na kunfuson ku borgoña. N ka pudi yalsa ña rostu pa bo, ña Deus, pabia no pekadus buri riba di no kabesa; no kulpa kirsi tok i ciga na seu.

Isaias 13:14

Kada un na riba pa si pobu, kada kin na kuri pa si tera, suma gazela ku na kuri di montiadur, suma karnel ku ka tene bakiadur.

Isaias 47:15

Kil bu jambakusis ku bu ta bai jubi sorti na se mon, ku ta bindiu sitiko disna di bu nobresa, mas nada e ka na fasi pa bo. Kada kin na kontinua yanda saklatadu na si kamiñu; nin un son ka na salbau.

Jeremias 46:16

Kilis ku da tapada e ciu, tambi e kai riba di ŋutru. E fala: ‘Lanta, no riba pa no pobu, pa tera ku no padidu nel, lunju di spada di inimigus.’

Jeremias 46:21

Tropas stranjeru lugadu pa judal e sta na se metadi suma fiju di baka gurdu. Elis tambi e vira se kosta, e kuri juntu; e ka pudi nguenta, pabia dia di se kastigu i bin riba delis; tempu di se mal ciga.

Jeremias 50:16

Bo kaba ku tudu sumiadur na Babilonia, ku kil ku na korta ku ŋoroto na tempu di kebur. Pabia di spada di inimigu kada kin na kuri pa si propi tera, pa si pobu.

Jeremias 8:20

“Tempu di kebur pasa, tempu di kalur kaba; no ka sta salbu.”

Oseias 7:13

Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

Apokalipsi 18:4

N obi utru vos di seu ku fala: “Ña pobu, bo sai na ki prasa, pa ka bo toma parti na si pekadus, pa ka bo juntadu tambi na si kastigu,

Apokalipsi 18:5

pabia si pekadu i junta tok i ciga seu. Deus lembra di si krimis.