Jeremias 51:32 - BIBLIA - traduson antigu in Krioulo

³² kambansas di riu tomadu, toris di difesa kemadu ku fugu; medu toma konta di tropas.”

Jeremias 51:32 ပူးပေါင်းရင်းမြစ်များ

Isaias 44:27

I ami ku ta fala yagu fundu: ‘Bu na seku; N na sekusi bu rius tambi.’

Isaias 47:14

Ma e na sedu suma burbur di paja ku fugu na bin kema. E ka na pudi salba se vida di forsa di lingua di fugu. Ki fugu ka na sedu suma brasa di fugareru, nin kil ku ta pegandadu pa jinti sinta lungu del pa kenta.

Jeremias 51:30

Omis forti di Babilonia para geria, e fika na kuartel; se forsa kaba, e bida suma minjeris. Se moradas na kema; trinkus di porton kebra.

Jeremias 51:31

Jinti na sai e na kuri ku rekadu, e na kontra ku ŋutru, pa bai konta rei di Babilonia kuma prasa tomadu na tudu ladu,

Jeremias 51:33

Asin ku SIÑOR ku ten tudu puder, Deus di Israel, fala: “Babilonia i suma kau di masa arus na tempu ki na masadu. Tempu di kebur na ciga, i ka na tarda.”

Jeremias 52:7

Mura di prasa rombadu; tudu omis di gera kuri, e sai di noti na kamiñu di porton ku sta na metadi di dus mura, lungu di jardin di rei. Kaldeus taja prasa na roda, ma elis e sai na kamiñu di bulaña.