Jeremias 51:27 - BIBLIA - traduson antigu in Krioulo

²⁷ “Bo yalsa bandera na tera, bo toka kornetas na metadi di nasons. Bo purpara nasons pa e bai kontra el; bo coma renus di Arará, Mini ku Askenaz, pa e bai kontra el. Bo kuji un kapiton pa i bai kontra el; bo manda kabalus ciu suma gamfañotis.

Jeremias 51:27 ပူးပေါင်းရင်းမြစ်များ

Kumsada 10:3

Fijus di Gomer e sedu: Askenaz, Rifat ku Togarma.

Kumsada 8:4

Na dia 17 di setimu mis, barku sinta riba di montis comadu Arará.

2 Reis 19:37

Un dia, oca ki na mpina na kasa di si deus Nisrok, si fijus Adramelek ku Sarezer matal ku spada, e kapli pa tera di Arará. Si fiju Esar-Adon rena na si konta.

1 Kronikas 1:6

Fijus di Gomer: Askenaz, Rifá ku Togarma.

Isaias 18:3

Abos, tudu jinti ku mora ne mundu, ora ku bandera yalsadu na montis, bo na ojal; ora ku korneta tokadu, bo na obil.

Isaias 37:38

Oca ki staba na baloba, mborkadu dianti di si deus Nisrok, si dus fiju, Adramelek ku Sarezer, e bin matal ku spada, e kuri pa tera di Arará. Utru si fiju, Esar-Adon, bin rena na si konta.

Jeremias 25:14

Elis tambi e na sedu katibu di manga di nason ku garandi reis; asin N na torna elis konformi kil ke fasi ku se mon.”

Jeremias 46:23

SIÑOR fala: “E na korta se matu, nin si i ficadu suma ke. Elis e ciu, mas di ki gamfañotis; e ka pudi kontadu.

Jeremias 50:2

“Bo anunsia na metadi di nasons pa e obi! Bo yalsa bandera, bo anunsia; ka bo sukundi. Bo fala: ‘Babilonia tomadu! Si deus Bel sta na kunfuson. Ki utru deus Merodak sta tarpajadu; si idulus kubridu ku borgoña; si deusis kai!’

Jeremias 50:3

“Un nason di norti bin kontra el, i na bidanta si tera lala. I ka na ten kin ku na sinta nel; omis ku limarias na kuri e bai.

Jeremias 50:9

N na lantanda un grupu di garandi nasons di norti, N pui elis pa e bai kontra Babilonia. E na toma se pusison kontra el, e bai tomal. Se fleŝas na sedu suma omi jitosu di gera, ku ka ta riba sin nada na mon.

Jeremias 51:12

bo yalsa bandera riba di muras di Babilonia, bo buri guardas, bo pui sintinelas, bo purpara mboskada!” SIÑOR kumpri si planus, i fasi kil ki falaba aserka di moraduris di Babilonia.

Jeremias 51:14

SIÑOR ku ten tudu puder jurmenta pa si kabesa kuma i na inci Babilonia ku omis, ku na ciu suma gamfañotis; elis e na kanta ku vitoria riba del.

Jeremias 51:28

Bo purpara nasons pa e geria kontra el — reis di Media, se gubernaduris ku tudu se ŝefis, ku tudu teras ke na manda riba delis.

Jeremias 6:1

“Abos, fijus di Benjamin, bo kuri, bo kapli di Jerusalen pa salba bo kabesa. Bo toka korneta na Tekoa, bo yalsa sinal di fugu riba di Bet-Akeren, pabia mal na bin di norti, ku garandi kastigu.

Joel 3:9

Bo fasi e anunsiu na metadi di nasons: “Bo purpara pa gera! Bo disperta omis di koraẑen! Tudu omis di gera pa e ciga, e bai ataka.

Amos 3:6

Si korneta tokadu na prasa, pobu ka ta tirmi? Mal ta bin pa prasa si SIÑOR ka mandal?

Zakarias 14:2

N na junta tudu nasons pa geria kontra Jerusalen; prasa na tomadu, kusas na robadu na kasas, minjeris na forsadu; metadi di prasa na bai pa katiberasku, ma restu di pobu ka na tiradu na prasa.

Ŝefis 6:5

E ta binba ku se limarias, ku tendas; e ta ciu suma gamfañoti; elis tudu ku se kamelus e ta ciu tok e ka ta pudi kontadu. E ta bin pa dana tera.