Jeremias 51:21 - BIBLIA - traduson antigu in Krioulo

²¹ Ku bo, N kebra kabalu ku si montadur; N kebra karu ku si kondutor,

Jeremias 51:21 ပူးပေါင်းရင်းမြစ်များ

Salmus 46:9

I ta para gera na tudu ladu di mundu; i ta kebra mansasa, i sapa-sapa kañaku, i kema karus na fugu.

Salmus 76:6

O Deus di Jakó, si bu raprindi, kabalus ku montiaduris ta kai na sonu fundu.

Saida 15:1

Moisés ku fijus di Israel e kanta e kantiga pa SIÑOR, e fala: “N na kanta pa SIÑOR, pabia el i garandisidu riba di tudu. I bota kabalu na mar, ku si kabaleru.

Saida 15:21

Mirian kanta pa elis: “Bo kanta pa SIÑOR, pabia el i garandisidu riba di tudu. I bota kabalu na mar, ku si kabaleru.”

Saida 15:4

I bota tropas di Faraó ku si karus na mar. Ki minjor ŝefis di Faraó foga na Mar Burmeju.

Isaias 43:17

I leba karus ku kabalus, manga di tropa ku omis forti; elis tudu e dita na un kau, pa ka lanta mas. Se vida kaba suma kanderu ku pagadu.

Jeremias 50:37

Spada kontra si kabalus ku karus, ku mistura di rasa na se metadi! E na sedu suma minjeris. Spada kontra si rikesas! E na robadu.

Ezekiel 39:20

Na ña mesa bo na farta kabalus, ku omis di kabalu, ku jinti di koraẑen, ku tudu omis di gera. Asin ku ami, SIÑOR Deus, N fala.’

Mikeias 5:10

SIÑOR fala: “Na ki dia N na kaba ku bu kabalus ku karus na bu tera.

Naun 2:13

SIÑOR ku ten tudu puder fala: “N sta kontra bo; N na kaba ku bu karus na fumu; spada na kaba ku bu fijus. N na tirau tudu ku bu paña di utru jinti. Vos di bu mbaŝaduris ka na obidu mas.”

Aẑeu 2:22

N na bati tronu di renus, N dana forsa di renus di nasons; N na kaba ku karus ku kilis ku ta sinta nelis; kabalus ku kilis ku ta monta nelis e na kai, kada un pa spada di si ermon.

Zakarias 10:5

e na sedu suma omis forti ku na masa se inimigus suma lama na rua. E na geria pabia SIÑOR sta ku elis; e na ngaña tropas montadu na kabalu, pa pui elis na borgoña.

Zakarias 12:4

Na ki dia N na pantanda tudu kabalus; kilis ku monta nelis, N na torna elis dudu. N na bisia riba di pobu di Judá, ma N na pui tudu kabalus di nasons pa e segu.

Apokalipsi 19:18

pa bo kume karni di reis, ku karni di kumandantis ku tropas, ku di kabalu, ku kilis ku montal, karni di tudu jinti, libri ku katibu, pikininu ku garandi.”