Jeremias 50:18 - BIBLIA - traduson antigu in Krioulo

¹⁸ Pabia di kila, ami, SIÑOR ku ten tudu puder, Deus di Israel, N fala kuma, N na kastiga rei di Babilonia ku si tera suma ku N kastiga rei di Asiria,

Jeremias 50:18 ပူးပေါင်းရင်းမြစ်များ

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Jeremias 27:7

Tudu nasons na sirbil, ku si fiju ku si netu, tok i ciga tambi tempu di si tera, ora ku manga di nason ku reis garandi na fasil se katibu.

Jeremias 46:10

E dia i dia di SIÑOR Deus ku ten tudu puder, dia di vingansa, dia di vinga si inimigus. Spada na nguli tok i farta, i na bibi se sangi tok i cami, pabia SIÑOR Deus ku ten tudu puder tene sakrifisiu na tera di norti, lungu di riu Eufrates.

Naun 3:18

Rei di Asiria, bu ŝefis na durmi; bu jinti importanti na diskansa. Bu pobu pajiga na montis; i ka ten kin ku na rukuji elis.

Naun 3:7

Tudu jinti ku ojau na kuri di bo; e na fala: ‘Ninive danadu! Kin ku na sinti pena del? Nunde ku N na buska jinti pa konsolau?’ ”

Abakuk 2:8

Manera ku bu furta rikesas di manga di nason, tudu jinti ku sobra e na bin furta di bo, pabia di sangi di omis ku bu darma, ku violensia ku fasidu na teras ku prasas ku tudu jinti ku mora la.

Ripitison di Lei 32:41

ora ku N mola ña spada ku ta lampra, N pegal na mon pa julga, N na torna vingansa pa ña inimigus; tambi N na paga kilis ku ten odiu di mi.