Jeremias 5:3 - BIBLIA - traduson antigu in Krioulo

³ O SIÑOR, i ka bardadi ku bu uju na buska? Bu suta elis ma e ka sinti dur. Bu masa elis ma e ka misti kuriẑidu. E pui se korson duru mas di ki pedra, e nega ripindi.

Jeremias 5:3 ပူးပေါင်းရင်းမြစ်များ

Kumsada 19:34

Utru dia ki purmeru fiju fala ki sugundu: “Jubi de! Aonti di noti N dita ku ña pape. No torna dal biñu pa i bibi e di noti; bu ta yentra bu dita ku el, pa no guarda jorson di no pape.”

1 Reis 13:33

Mesmu dipus di kila, Jeroboan ka bandona si mau manera di yanda, ma i ta tomaba kualker algin di pobu, i ta fasil saserdoti di lugaris altu. Kin ku mistiba, i ta dal suku di bas; asin i ta pudu suma saserdoti.

2 Reis 1:13

Rei torna manda terseru kapiton ku si sinkuenta omi. Ki kapiton bai, i finka juju dianti di Elias, i falal: “Omi di Deus, N pidiu pa bu da balur pa ña vida ku vida de sinkuenta omi, bu servus.

2 Kronikas 16:9

pabia uju di SIÑOR ta pasa pa tudu parti di mundu, pa fortifika kilis ku tene korson pirfitu pa el. Bu fasi kusa tulu; disna di gosi gera na ten kontra bo.”

2 Kronikas 28:22

Na si tempu di foronta, rei Akaz peka inda mas kontra SIÑOR.

Salmus 51:6

Bu ta kontenti ku bardadi na korson, bu ta inci ña kabesa ku jiresa.

Salmus 51:8

Fasin pa N obi gritus di kontentamentu ku alegria, pa os ku bu kebra pudi baja.

Salmus 55:20

Ki ña kumpañer ataka kilis ku tenba pas ku el; i kebra si kontratu.

Ditus 21:29

Omi mau ta finji ku rostu di koraẑen, ma omi retu i ta pensa diritu na si kamiñu.

Ditus 22:12

SIÑOR ta guarda kil ku ten kuñisimentu, ma palabra di tarpaseru, SIÑOR na proba kuma i ka bardadi.

Ditus 23:35

Bu na fala: “E sutan, N ka sinti dur; e bati na mi, N ka sinti. Kal ora ku N na bin korda? N na torna bibi mas!”

Ditus 27:22

Nin si bu suta tulu tok bu kansa, si tulesa ka na sai nel.

Isaias 26:11

SIÑOR, bu yalsa ja bu mon pa kastiga, ma e ka nota pa el. Pui elis pa e oja manera ku bu ama bu pobu; pa e fika ku borgoña. Ki fugu ku bu purpara, pa i kaba ku elis.

Isaias 42:25

E ku manda i darma forsa di si raiba riba delis, ku sedu gera forti. I peganda fugu na roda delis, ma nin ku ’sin e ka para sintidu; i kema elis, ma kila ka findi elis korson.

Isaias 48:4

N sibiba kuma bu risu kabesa; nervus di bu garganti i suma feru, bu testa i suma di bronzi.

Isaias 9:13

Pobu di Israel ka riba pa kil ku na kastiga elis, ku sedu SIÑOR ku ten tudu puder, nin e ka buskal.

Jeremias 15:7

N na feki bos ku kabas na portons di kontrolu; N mata bo fijus, N kaba ku bos, ña pobu, pabia bo ka disa bo manera di yanda.

Jeremias 17:23

Ma elis e ka para sintidu, e nega obi; e ndurusi se korson pa ka e obin, pa ka e kuriẑidu.

Jeremias 19:15

“Asin ku SIÑOR ku ten tudu puder, Deus di Israel, fala: ‘N na tisi riba de prasa, ku tabankas na si roda, tudu mal ku N anunsia kontra el, pabia e ndurusi se korson, e nega obi ña palabras.’ ”

Jeremias 2:30

N kastiga bo fijus na nada; e ka seta pa e kuriẑidu. Bo mata bo anunsiaduris ku spada suma lion ku tene fomi.

Jeremias 3:3

E ku manda cuba tujidu cubi; i ka ten cuba di kabantada. Abo bu tene rostu di minjer di mau vida; bu ka misti ten borgoña.

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Jeremias 35:13

kuma, SIÑOR ku ten tudu puder, Deus di Israel, fala: “Bai bu fala omis di Judá ku pobu di Jerusalen kuma SIÑOR na punta: ‘Bo ka na toma lison, bo obdisi ña palabra?

Jeremias 44:10

Te aos e ka baŝa se kabesa, nin e ka mostra rispitu; e ka yanda na ña lei nin na ña regras ku N puiba bo dianti ku dianti di bo papes.

Jeremias 7:26

ma bo ka obi ña palabra, nin bo ka para sintidu. Bo ndurusi bo korson, bo fasi pior di ki bo papes.

Jeremias 7:28

Fala elis: ‘Es i nason ku ka obdisi SIÑOR se Deus, nin e ka misti pa e kuriẑidu. Bardadi pirdi gosi; i ka ta obidu na se boka.’

Jeremias 8:5

Ke ku manda e pobu di Jerusalen disvia, e kontinua e na bai? E pega na nganu, e ka misti riba.

Ezekiel 2:4

Esis ku N na mandau pa elis e risu kabesa, ntemus na korson. Bu na fala elis: ‘Asin ku SIÑOR Deus fala.’

Ezekiel 24:13

“Jerusalen, bu impuresa sedu pekadu seksual. N mistiba purifikau, ma bu ka bin sedu purifikadu. Nunka mas bu ka na sedu puru tementi ña raiba ka kaba riba di bo.

Daniel 9:13

Tudu ki mal bin riba di nos, suma ki sta skritu na lei di Moisés. Mesmu asin, no ka pidi fabur di SIÑOR no Deus; no ka konverti di no pekadus, nin no ka pui sintidu pa yanda na bu bardadi.

Sirmonias 26:23

“Si, inda ku tudu e kusas, bo ka seta pa N kuriẑi bos, ma bo kontinua yanda kontra mi,

Amos 4:10

N manda kastigus kontra bos suma ku N fasi na Ejitu. N mata bo jovens ku spada, N disa bo kabalus bai prezu; N inci bo naris ku mau ceru di bo kampamentus. Ku tudu es, bo ka riba pa mi.” Asin ku SIÑOR fala.

Amos 4:11

I torna fala mas: “N kaba ku utru di bos suma ku N kaba ku Sodoma ku Gomora; bo seduba suma padas di leña ku rabatadu na fugu, ma bo ka riba pa mi.

Amos 4:6

I fala mas: “Na tudu bo prasas N da bos limpesa di dinti, ku falta di kumida na tudu bo tabankas, ma bo ka riba pa mi.

Amos 4:8

Jinti yanda kansadu di un prasa pa utru pa buska yagu pa bibi, ma e ka pudi justanda; ku tudu es, bo ka riba pa mi.” Asin ku SIÑOR fala.

Amos 4:9

I torna fala mas: “N kastiga bo ortas ku bo pes di uva ku kemadura ku duensa; gamfañotis kume bo figeras ku oliveras; ma bo ka riba pa mi.

Sofonias 3:7

N fala prasa: ‘Sertamenti bu na rispitan, bu seta disiplina.’ Asin si morada ka na danaduba; i na kapliba di kastigu ku N markaba, ma e pega tesu, e kontinua fasi kusas kuruptu.

Romanus 2:2

No sibi kuma Deus ten roson ora ki na julga kontra kilis ku ta fasi ki kusas.

Ebreus 12:9

Tambi no tene no papes de mundu ku ta disiplinanu; no ta da elis rispitu. Nta no ka pudi suẑeta mas inda no Pape spiritual pa no tene vida?