Jeremias 49:8 - BIBLIA - traduson antigu in Krioulo

⁸ Abos ku mora na Dedan, bo da kosta bo kuri, bo bai sukundi na kobas di pedra, pabia N na tisi mal riba di jorson di Esaú, na tempu di se kastigu.

Jeremias 49:8 ပူးပေါင်းရင်းမြစ်များ

Isaias 2:21

E na kuri pa yentra na kobas ku kavernas di pedras garandi pabia di raiba meduñu di SIÑOR, ku gloria di si puder, ora ki lanta pa bulbuli con.

Isaias 21:13

Es i rekadu di Deus aserka di Arabia. Abos, jinti di Dedanin ku sta na bias, bo na pasa noti na matu di Arabia.

Isaias 34:5

Ña spada bibi li na seu tok i cami; ali i na disi riba di Edon pa julga elis, ki pobu ku N na ntrega pa e kabadu ku el.

Jeremias 25:23

prasas di Dedan, Tema ku Buz; tudu jinti ku mora lungu di lala;

Jeremias 46:21

Tropas stranjeru lugadu pa judal e sta na se metadi suma fiju di baka gurdu. Elis tambi e vira se kosta, e kuri juntu; e ka pudi nguenta, pabia dia di se kastigu i bin riba delis; tempu di se mal ciga.

Jeremias 48:28

“Abos ku mora na Moab, bo disa prasas, bo bai mora na montañas di pedra, bo sedu suma pumba ku pui si niñu na ponta di boka di kaverna.

Jeremias 48:44

“Kin ku kuri di medu i na kai na koba. Kin ku sai na koba i na prindidu pa armadilia, pabia N na tisi Moab si anu di kastigu.” Asin ku SIÑOR fala.

Jeremias 48:6

Bo kuri! Bo salba bo vida, nin si bo bin sedu suma arvurisiñu dingidu na lala.

Jeremias 49:30

“Ami, SIÑOR, N fala ku bos ku mora na Azor: Bo kuri, bo bai lunju! Bo bai mora na fundu di kobas di pedra garandi, pabia Nabukodonosor, rei di Babilonia, i pui sintidu, i fasi si planus kontra bos.

Jeremias 49:32

Se kamelus na robadu ku multidon di se limarias. Ami N na pajiga pa tudu bentu kilis ku ta korta se kabelu na ladu. N na tisi mal riba delis di tudu ladu.” Asin ku SIÑOR fala.

Jeremias 50:27

Bo mata ku spada tudu si turus, ku sedu omis di gera; e ta bai pa matadur. Ai delis! Se dia ciga, tempu di se kastigu.”

Jeremias 6:1

“Abos, fijus di Benjamin, bo kuri, bo kapli di Jerusalen pa salba bo kabesa. Bo toka korneta na Tekoa, bo yalsa sinal di fugu riba di Bet-Akeren, pabia mal na bin di norti, ku garandi kastigu.

Ezekiel 25:13

Suma ke fasi kila, SIÑOR Deus fala asin: N na distindi ña mon kontra Edon, N na mata si omis ku limarias. N na torna tera suma lala, desdi Teman te na Dedan; jinti na matadu ku spada.

Malakias 1:3

N pui Esaú aparti, N bidanta si montis suma lala, N da si yardansa pa kacur brabu.”

Malakias 1:4

Edon pudi fala: “Kontudu no tera danadu, no na torna kumpul.” Ma asin ku SIÑOR ku ten tudu puder fala: “Elis e na kumpu, ma ami N na dana. Jinti na coma elis Tera di Maldadi, un pobu ku SIÑOR sta ku raiba del pa sempri.

Apokalipsi 6:15

Reis di tera ku garandis, ŝefis militar, rikus, ku kilis di puder, tudu katibus ku libris, e sukundi na kobas, ku burakus di pedra na montañas;

Ŝefis 6:2

Midianitas bin ten forsa riba di Israel. Pabia delis, fijus di Israel bin ranja kobas na montañas, ku kobas na roca, ku kaus forti pa sukundi nel.

1 Samuel 13:6

Oca omis di Israel oja kuma e sta mal (pabia tropas staba pertadu), utrus bai sukundi na kavernas, utrus na matu, utrus na metadi di pedras garandi, na abrigus o na fontis.