Jeremias 49:17 - BIBLIA - traduson antigu in Krioulo

¹⁷ “Asin Edon na sedu un kusa di spantu. Tudu algin ku pasa la i na panta, i subia, pabia di tudu si cagas.

Jeremias 49:17 ပူးပေါင်းရင်းမြစ်များ

1 Reis 9:8

E kasa i garandi aos, ma na ki tempu kualker algin ku pasal i na fika dimiradu, i na subia, i na punta: ‘Ke ku manda SIÑOR fasi asin ku e tera ku e kasa?’

Jeremias 18:16

Se con na fasidu un spantu ku jinti na fasi trosa del sempri. Tudu algin ku pasa la i na fika spantadu tok i balansa kabesa.

Jeremias 49:13

Ami, SIÑOR, N jurmenta pa ña nomi kuma Bozra na sedu suma lala; jinti na panti pa jubil, e na njutil, e fala mal del. Tudu si prasas na bida suma lala pa sempri.”

Jeremias 50:13

Pabia di raiba di SIÑOR i ka na moradu nel, ma i na bida lala kompletu. Kualker ku pasa na Babilonia i na panta, i subia pabia di tudu si cagas.

Jeremias 51:37

Babilonia na bida montu di liŝu, morada di kacur brabu, sin ningin ku na mora nel. Kin ku ojal i na panta tok i subia.

Ezekiel 25:13

Suma ke fasi kila, SIÑOR Deus fala asin: N na distindi ña mon kontra Edon, N na mata si omis ku limarias. N na torna tera suma lala, desdi Teman te na Dedan; jinti na matadu ku spada.

Ezekiel 27:36

Nogosiantis di utru teras na subia riba di bo. Bu ciga na un fin meduñu; nunka mas bu ka na sedu.” ’ ”

Ezekiel 35:15

Manera ku bu kontenti oca yardansa di pobu di Israel danadu, asin ku N na fasi ku bo. Monti di Seir ku tudu Edon na danadu. Jinti na sibi kuma ami i SIÑOR.’ ”

Ezekiel 35:3

bu falal kuma asin ku SIÑOR Deus fala: ‘Monti di Seir, ami N sta kontra bo; N na distindi ña mon kontra bo, N na bidantau lala meduñu.

Ezekiel 35:7

N na bidanta monti di Seir un lala ku ka bali; N na kaba ku kin ku pasa la di un ladu pa utru.

Mikeias 6:16

Es tudu i pabia bu guarda usus di rei Onri, bu fasi tudu kusa ku familia di rei Akab fasi, bu yanda na se kustumus. Asin N na tisi danu riba di bo; N na ntrega bu pobu pa trosa. N na pui nasons pa e njuti bos.”

Sofonias 2:15

Es i ki prasa kunfiadu i kontenti, ku ta falaba na si sintidu: “Alin li, i ka ten utru fora di mi!” Ma i danadu tudu; gosi i kau di limarias! Algin ku pasa i ta subia, i pui mon na boka.

Ripitison di Lei 29:22

Mas tardi, bo fijus ku lanta dipus di bos, ku stranjeru ku bin di tera lunju, e na oja kastigus de tera, ku duensas ku SIÑOR kastigal ku el.