Jeremias 48:8 - BIBLIA - traduson antigu in Krioulo

⁸ Danadur na bin kontra kada prasa; nin un son ka na kapli. Kobon na danadu tudu ku bulaña, pabia i ami, SIÑOR, ku fala e kusa.

Jeremias 48:8 ပူးပေါင်းရင်းမြစ်များ

Jeremias 15:8

N fasi bo viuvas mas ciu di ki reia di mar. Me-dia N tisi un danadur riba di mame di jovens; di repenti N pui foronta ku medu pa i kai riba delis.

Jeremias 25:9

N na manda buska tudu nasons di norti, tudu ku ña servu Nabukodonosor, rei di Babilonia, N na tisi elis kontra e tera ku si moraduris, ku tudu nasons ku sta na roda. N na dana elis tudu, N pui elis pa e sedu un spantu ku danu ku trosa pa sempri.” Asin ku SIÑOR fala.

Jeremias 48:18

“Abo ku mora na Dibon, ria na bu kau di gloria, bu sinta na tera seku, pabia danadur di Moab bin kontra bo, i dana bu kaus forti.

Jeremias 51:56

Algin na bin pa dana Babilonia; si omis forti na prindidu, se mansasas kebradu. Ami, SIÑOR, N sedu Deus ku ta paga; N na da elis ke ke mersi.

Jeremias 6:26

“O ña pobu, bo mara saku, bo rola na sinsa; bo cora ku forsa ku tristesa, suma algin ku pirdi si uniku fiju, pabia di repenti danadur na bin riba di nos.”

Ezekiel 25:9

N na yabri ladu di Moab desdi si prasas mas bonitu, di frontera, ku sedu Bet-Jesimot, Baal-Meon ku Kiriatain.

Josué 13:17

Esbon ku tudu si prasas na planaltu, ku sedu Dibon, Bamot-Baal, Bet-Baal-Meon,

Josué 13:21

tudu prasas di planaltu, ku tudu con di Sion, rei di amoreus, ku renaba na Esbon, ku Moisés mata, tudu ku ŝefis di Midian, ku sedu Evi, Reken, Zur, Ur ku Reba, ku staba bas di Sion, e moraba na ki con.

Josué 13:9

Se tera bai di Aroer, ku sta lungu di kobon di Arnon, ku ki prasa ku sta na metadi di kobon, ku tudu kau rasu di Medeba te na Dibon;