Jeremias 48:38 - BIBLIA - traduson antigu in Krioulo

³⁸ Riba di tudu kasas di Moab, ku na lugaris publiku di prasas, tudu jinti na cora, pabia N kebra Moab, suma jaru ku ningin ka gosta del.” Asin ku SIÑOR fala.

Jeremias 48:38 ပူးပေါင်းရင်းမြစ်များ

Salmus 2:9

Bu na manda riba delis ku feru di renansa, bu na kebra-kebra elis suma ku puti ta bida padas padas.”

Isaias 15:3

Na ruas e bisti sakus; la riba di se kasas, tambi na kaus di nkontru na prasas, e na yanda e na pupa, e na cora ciu dimas.

Isaias 22:1

Es i rekadu di Deus aserka di Kobon di Vison. Ke ku ten, manera ku bo subi tudu riba di kasas?

Isaias 30:14

I na kebra suma puti ku kebradu sin sinti pena del. I ka na ten nin un padas ku pudi sirbi pa toma brasa di fugu, nin un pa kata yagu ku el na lagua.”

Jeremias 19:10

“Dipus bu na kebra ki puti na uju di kilis ku bai ku bo,

Jeremias 19:11

bu na fala elis: ‘Asin ku SIÑOR ku ten tudu puder fala: N na kebra e pobu ku e prasa suma ku e puti kebra, i ka na pudi kumpudu mas. Elis e na ntera se mortus na Tofet, pabia i ka na ten utru lugar pa ntera elis.

Jeremias 22:28

Nta e omi, Konias, i sedu un puti kebradu, njutidu, ku minjer ka misti? Ke ku manda el ku si fijus e botadu fora, e rastadu pa un tera ke ka kunsi?

Jeremias 25:34

Abos, ŝefis, bakiaduris di ña pobu, bo pupa, bo grita, bo rola na sinsa, pabia tempu ciga ja ku bo na matadu. Bo na kai, bo kebra, suma puti bonitu.

Oseias 8:8

Israel ngulidu; gosi i sta na metadi di nasons suma puti ku kebra, ku ningin ka misti.

Mateus 10:27

Ke ku N konta na sigridu, bo papial di dia; kil ku kontadu na oreja, bo kontal riba di kankra.

Apokalipsi 2:27

suma ku N risibi di ña Pape. I na guberna elis ku vara di feru; e na kebra-kebradu suma puti.