Jeremias 47:6 - BIBLIA - traduson antigu in Krioulo

⁶ “Abos bo fala: ‘O spada di SIÑOR! kal dia ku bu na bin diskansa? Riba pa bu baiña, bu diskansa, bu keta!’

Jeremias 47:6 ပူးပေါင်းရင်းမြစ်များ

2 Samuel 2:26

Abner grita pa Joab, i puntal: “Nta spada na kontinua mata pa sempri? Bu ka sibi kuma kabantada de gera i na sedu son kasabi? Kal tempu ku bu na fala bu jinti pa e para serka se ermons?”

1 Kronikas 21:27

SIÑOR da ordi pa anju; kila torna si spada na baiña.

Salmus 17:13

Lanta, SIÑOR, bu nfrenta elis, bu bati elis na con. Ku bu spada libran di mon di omis mau;

Isaias 10:15

Nta mancadu pudi yalsa si kabesa riba di kil ku na korta ku el? O sera pudi njata kontra kil ku na usal? I ta sedu suma po ku pudi bana kil ku na yalsal, o suma po forti ku pudi yalsa si dunu ku ka sedu po.

Isaias 10:5

Koitadi di Asiria, manduku di ña raiba! Ña raiba i suma mantampa na si mon.

Jeremias 12:12

Danaduris na bin riba di tudu montis di lala, pabia spada di SIÑOR na dana tera, di un ladu pa utru. I ka na ten pas pa ningin.

Jeremias 12:4

Te kal tempu ku con na fika tristi, paja na seku na tudu lugar? Pabia di maldadi di kilis ku mora nel, limarias ku kacus e na muri. Jinti na fala: “Deus ka na oja ke ku na sedu ku nos.”

Jeremias 15:3

SIÑOR fala: “N na bin pa elis ku kuatru tipu di kastigu: spada pa mata elis, kacur pa rasta elis, kacus pa kume elis ku limarias di matu pa nguli kil ku sobra.

Jeremias 25:27

SIÑOR mandan pa N fala elis: “Asin ku ami, SIÑOR ku ten tudu puder, Deus di Israel, N fala: Bo bibi, bo cami, bo ramasa, bo kai; bo ka na torna lanta, pabia di spada ku N na manda na bo metadi.”

Jeremias 4:21

Te kal tempu ku N na oja bandera di gera, N obi toku di korneta?

Jeremias 48:10

“Maldisuadu i ki algin ku sedu moli na tarbaju di SIÑOR! Maldisuadu i ki algin ku tuji si spada darma sangi!

Jeremias 50:35

SIÑOR fala: “Spada kontra kaldeus, kontra moraduris di Babilonia! Spada kontra si ŝefis ku jirus!

Ezekiel 14:17

“O si N manda gera pa ki tera, N fala: ‘Spada, pasa na tudu ladu di tera’, si N mata si omis ku limarias,

Ezekiel 21:30

Torna spada na si baiña. N na julgau na kau ku bu formadu nel, na tera ku bu padidu nel.

Zakarias 13:7

SIÑOR ku ten tudu puder fala: “O spada, disperta, bu lanta kontra ña bakiadur, ki omi ku sedu ña kumpañer! Mata bakiadur; karnelis na pajiga. N na vira ña mon kontra pikininus.”

Bon Noba di Jesus Kristu ku Jon 18:11

Jesus fala Pedru: “Miti bu spada na baiña. Nta N ka na bibi di kopu di sufrimentu ku ña Pape dan?”

Ŝefis 7:20

Asin tudu tris grupu toka korneta, e kebra putis. E pega pacu di fugu na mon skerda; na se mon direita e pega kornetas ke na tokaba, e grita ku forsa e fala: “No spada i pa SIÑOR, pa Jidion tambi!”