Jeremias 47:2 - BIBLIA - traduson antigu in Krioulo

² asin ku SIÑOR fala: “Jubi! Yagu na lanta la na norti, i na bida korenti ku na darma, i na kubri tera ku tudu ku sta nel, ku prasa ku jinti ku mora nel. Omis na grita; tudu jinti ku mora la e na cora.

Jeremias 47:2 ပူးပေါင်းရင်းမြစ်များ

Salmus 24:1

Tera i di SIÑOR, ku tudu ku sta nel, suma tambi mundu ku tudu kilis ku mora nel,

Salmus 50:12

“Si N teneba fomi, N ka ta kontau, pabia mundu ku tudu ku sta nel i di mi.

Salmus 96:11

Abos, seu ku tera, bo kontenti! Mar pa i somna, ku tudu ku sta nel!

Salmus 98:7

Mar pa i somna, ku tudu ku sta nel; mundu tambi, ku tudu ku mora nel.

Isaias 14:31

O porton, pupa! O prasa, grita! Abo, Filistia, tirmi! Di norti i na bin un fumansa di tropas; ningin ka na sai na fila.

Isaias 15:8

Manera ke na cora, se vos na sua te na fronteras di Moab, i ciga na prasas di Eglain ku Beer-Elin.

Isaias 22:1

Es i rekadu di Deus aserka di Kobon di Vison. Ke ku ten, manera ku bo subi tudu riba di kasas?

Isaias 28:17

N na pui justisa pa i sedu suma korda di midi; vida retu na sedu suma prumu. Cuba di pedra na bari ki kau di suguransa di mintida; yagu na kubri ki bo kau di sukundi.

Isaias 59:19

Omis na rispita nomi di SIÑOR desdi kaida di sol; e na rispita si gloria desdi saida di sol. Ora ku inimigu bin suma korenti di yagu, Spiritu di SIÑOR na serkal tok i kuri.

Jeremias 1:14

SIÑOR falan: “Mal na bin di norti, i na darmadu riba di jinti de tera,

Jeremias 46:12

Nasons obi aserka di bu borgoña; bu gritu inci tera. Omi forti da tapada na si kumpañer; e kai juntu.”

Jeremias 46:13

Es i palabra ku SIÑOR papia ku anunsiadur Jeremias aserka di Nabukodonosor, rei di Babilonia, ku na binba pa ataka tera di Ejitu:

Jeremias 46:20

“Ejitu i suma fiju di baka bonitu, ma moska-brabu na bin di norti riba del.

Jeremias 46:24

Pobu di Ejitu e sta ku borgoña, pabia e ntregadu na mon di pobu di norti.”

Jeremias 48:39

“Moab kebrantadu! Sinti kuma ke na grita! Jubi kuma ku Moab vira kosta ku borgoña! Tudu jinti ku sta na roda del e na sinti medu, e na fasi trosa.

Jeremias 6:22

Asin ku SIÑOR fala: “Tropas na bin di tera di norti; un nason forti na lanta na utru parti di mundu.

Jeremias 8:16

Desdi Dan i na obidu folgu di se kabalus. Tudu tera ta tirmi ku vos di kabalus forti. E na bin pa nguli tera ku tudu ku sta nel, ku prasas ku kilis ku mora nelis.”

Daniel 11:22

Tropas ku na bin kontra el suma korenti e na pincadu, e na kabadu ku el, suma tambi ŝef di kontratu.

Naun 1:8

Ku garandi korenti di yagu i na kaba ku ki kau. I na serka si inimigus pa e bai pa sukuru.

1 Koríntius 10:26

pabia i Siñor ku tene tera ku tudu ku sta nel.

1 Koríntius 10:28

ma si algin fala bos kuma e kumida i di ronia, ka bo kumel, pabia di kil ku konta bos, tambi pa konsiensia. [Tera i di Siñor, ku tudu ku sta nel.]

Tiagu 5:1

Agora abos rikus, bo sukuta. Bo cora, bo grita pabia di disgrasa ku na bin riba di bos.

Apokalipsi 17:1

Un di ki seti anju ku tene tiẑela bin pa mi, i falan: “Bin, N na mostrau kastigu di ki minjer di fama ku tene mau vida, ku sinta riba di manga di yagu.

Apokalipsi 17:15

Anju falan inda: “Ki yagu ku bu oja nunde ku ki minjer di mau vida sinta, i multidon di jinti, rasas, nasons ku linguas.