Jeremias 46:2 - BIBLIA - traduson antigu in Krioulo

² Aserka di Ejitu: Es i palabra kontra tropas di Faraó-Neku, rei di Ejitu, ku staba lungu di riu Eufrates na Karkemis, ku Nabukodonosor, rei di Babilonia, ngaña na gera, na kuartu anu di renansa di Jeoiakin, fiju di Josias, rei di Judá:

Jeremias 46:2 ပူးပေါင်းရင်းမြစ်များ

2 Reis 18:21

Bu fiansa na Ejitu? Kila i manduku di kana ku kebra, ku ta fidi mon di kil ku ngosta nel. Asin ku Faraó, rei di Ejitu, sedu pa tudu jinti ku fiansa nel.

2 Reis 23:29

Na si tempu Faraó-Neku, rei di Ejitu, bai pa riu Eufrates pa geria kontra rei di Asiria. Rei Josias bai dal kontrada. Rei di Ejitu ojal, i matal na Mejidu.

2 Reis 23:33

Faraó-Neku manda prindil na Ribla, na tera di Amat, pa i ka rena na Jerusalen; i pui Judá paga multa di 3,5 tonolada di prata ku 35 kilu di uru.

2 Reis 24:7

Nunka mas rei di Ejitu ka sai na si tera, pabia rei di Babilonia toma tudu si tera, desdi riu di Ejitu te na riu Eufrates.

Isaias 10:9

N ka toma prasa di Kalnó suma tambi prasa di Karkemis? N ka ngaña Amat suma Arpad, ku Samaria suma Damasku?

Isaias 19:1

Es i rekadu di Deus aserka di Ejitu. Jubi, SIÑOR na bin dipresa, montadu riba di nuven; i na bin pa Ejitu. Idulus di Ejitu na tirmi si dianti; koraẑen di ejipsius na ribi dentru delis.

Isaias 19:19

Na ki tempu i na ten un altar di SIÑOR na metadi di tera di Ejitu. Un kuluna na lantandadu pa SIÑOR na si frontera.

Jeremias 25:1

Na kuartu anu di renansa di Jeoiakin, fiju di Josias, rei di Judá, ku sedu purmeru anu di Nabukodonosor, rei di Babilonia, SIÑOR bin papia ku Jeremias aserka di tudu pobu di Judá.

Jeremias 25:19

Utrus ku tenba ku bibi e seduba: Faraó ku si funsionarius, si ŝefis ku tudu si pobu,

Jeremias 25:9

N na manda buska tudu nasons di norti, tudu ku ña servu Nabukodonosor, rei di Babilonia, N na tisi elis kontra e tera ku si moraduris, ku tudu nasons ku sta na roda. N na dana elis tudu, N pui elis pa e sedu un spantu ku danu ku trosa pa sempri.” Asin ku SIÑOR fala.

Jeremias 36:1

Na kuartu anu di Jeoiakin, fiju di Josias, rei di Judá, SIÑOR bin papia ku Jeremias, i falal:

Jeremias 43:11

I na bin ataka tera di Ejitu. I na tisi mortu pa kilis ku distinadu pa mortu, katiberasku pa kilis ku distinadu pa katiberasku, spada pa kilis ku distinadu pa spada.

Jeremias 45:1

Na kuartu anu di Jeoiakin, fiju di Josias, rei di Judá, Baruk, fiju di Nerias, i skirbi na un libru palabras ku Jeremias na kontalba. Dipus ki kaba, Jeremias fala Baruk e palabra:

Jeremias 46:14

“Bo anunsia e kusa na prasas di Ejitu, na Migdol, na Memfis, na Tafnes: ‘Pursenta, bu pruntia, pabia spada na nguli kil ku sta na roda di bo.