Jeremias 45:1 - BIBLIA - traduson antigu in Krioulo

¹ Na kuartu anu di Jeoiakin, fiju di Josias, rei di Judá, Baruk, fiju di Nerias, i skirbi na un libru palabras ku Jeremias na kontalba. Dipus ki kaba, Jeremias fala Baruk e palabra:

Jeremias 45:1 ပူးပေါင်းရင်းမြစ်များ

2 Reis 24:1

Na tempu di Jeoiakin, Nabukodonosor, rei di Babilonia, bin kontra Judá; Jeoiakin fika bas del pa tris anu; dipus i lanta kontra el.

2 Kronikas 36:5

Jeoiakin teneba idadi di vinti i sinku anu oca ki yentra na renansa, i rena onzi anu na Jerusalen. I fasi mal dianti di SIÑOR si Deus.

Jeremias 25:1

Na kuartu anu di renansa di Jeoiakin, fiju di Josias, rei di Judá, ku sedu purmeru anu di Nabukodonosor, rei di Babilonia, SIÑOR bin papia ku Jeremias aserka di tudu pobu di Judá.

Jeremias 26:1

Na kumsada di renansa di Jeoiakin, fiju di Josias, rei di Judá, SIÑOR bin papia ku mi, i fala:

Jeremias 32:12

N dal pa Baruk, fiju di Nerias, fiju di Maseias, dianti di Anameel, fiju di ña tiu, dianti di tustumuñas ku sinaba ki dokumentu, tambi dianti di tudu judeus ku sintaba na kintal di guarda.

Jeremias 32:16

Dipus ku N da ki dokumentus di kompra pa Baruk, fiju di Nerias, N papia ku SIÑOR, N fala:

Jeremias 36:1

Na kuartu anu di Jeoiakin, fiju di Josias, rei di Judá, SIÑOR bin papia ku Jeremias, i falal:

Jeremias 36:2

“Toma un rolu, bu skirbi nel tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

Jeremias 36:26

Rei da ordi pa Jerameel, fiju di Amelek, Seraias, fiju di Azriel, ku Selemias, fiju di Abdeel, pa e bai prindi ki sekretariu Baruk ku anunsiadur Jeremias, ma SIÑOR sukundiba elis.

Jeremias 36:32

Asin Jeremias toma utru rolu, i da sekretariu Baruk, fiju di Nerias; Baruk skirbi nel, di boka di Jeremias, tudu palabras di libru ku Jeoiakin, rei di Judá, kemaba na fugu, tok i buri utru palabras parsidu.

Jeremias 36:4

Jeremias coma Baruk, fiju di Nerias. Baruk skirbi na rolu konformi Jeremias na papia tudu palabras ku SIÑOR mostralba.

Jeremias 45:2

“Asin ku SIÑOR Deus di Israel papia aserka di bo, Baruk:

Jeremias 46:2

Aserka di Ejitu: Es i palabra kontra tropas di Faraó-Neku, rei di Ejitu, ku staba lungu di riu Eufrates na Karkemis, ku Nabukodonosor, rei di Babilonia, ngaña na gera, na kuartu anu di renansa di Jeoiakin, fiju di Josias, rei di Judá:

Jeremias 51:59

Na kuartu anu di renansa di Zedekias, rei di Judá, i na baiba Babilonia ku si judadur ofisial, Seraias, fiju di Nerias, fiju di Maseias. Jeremias da Seraias un rekadu,

Daniel 1:1

Na terseru anu di renansa di Jeoiakin, rei di Judá, Nabukodonosor, rei di Babilonia, bin pa Jerusalen, i tajal.