Jeremias 44:28 - BIBLIA - traduson antigu in Krioulo

²⁸ Kilis ku na kapli di spada na Ejitu pa e riba pa tera di Judá, e na puku. Restu di Judá ku bin pa sinta na tera di Ejitu e na sibi palabra di kin ku na firma, di mi o di selis.

Jeremias 44:28 ပူးပေါင်းရင်းမြစ်များ

Salmus 33:11

Ma planus di SIÑOR ta firma pa sempri; kusas ki pensa fasi i pa tudu tempu.

Isaias 10:19

Restu di arvuris ku sobra na se matu na sedu puku, tok mininu pudi fasi konta delis.

Isaias 10:22

Israel, nin ku bu pobu ciu suma reia di mar, son restu ku na riba. Kastigu markadu pa elis i justa elis.

Jeremias 42:17

Asin tudu jinti ku pui sintidu pa bai sinta na Ejitu, e na muri ku spada, fomi o duensa. I ka na sobra nin un son delis ku na kapli di mal ku N na manda pa elis.’

Jeremias 44:13

N na kastiga kilis ku mora na tera di Ejitu ku spada, fomi ku duensa, suma ku N kastiga Jerusalen.

Jeremias 44:14

Nin un son di restu ku bin sinta na tera di Ejitu ka na kapli ku si vida, pa riba pa tera di Judá nunde ke na misti mora nel; son pukus ku na kuri e kapli.’ ”

Jeremias 44:29

“‘Ami, SIÑOR, N fala: Es i na sedu sinal pa bos kuma N na kastiga bos ne kau, pa bo sibi sertu kuma ña palabra di mal kontra bos i na firma.

Jeremias 51:50

“Abos ku kapli di spada, bo bai, ka bo tarda! Mesmu ku bo sta lunju, bo lembra di SIÑOR, bo pensa na Jerusalen.

Ezekiel 6:8

“‘Ma N na disa utrus kapli di spada, ora ku bo pajigadu na tera di utru nasons.

Zakarias 1:6

Nta ña palabras ku ña avisus ku N manda na boka di ña servus anunsiaduris ka yangasa bo papes? E ripindi, e fala: ‘SIÑOR ku ten tudu puder fasinu ke ku no mersi, suma ki puiba sintidu pa fasinu, konformi no manera di yanda, ku kusas ku no fasi.’ ”

Numerus 14:41

Moisés punta elis: “Pa ke ku bo na disobdisi ordi di SIÑOR? Asin bo ka na oja bon rusultadu.

Mateus 24:35

Seu ku tera na pasa, ma ña palabra ka na pasa.