Jeremias 44:19 - BIBLIA - traduson antigu in Krioulo

¹⁹ Minjeris fala tambi: “Oca ku no ta kemaba nsensu, no darma ofertas di bibida pa raiña di seu, no omis e sibiba diritu kuma no ta kumpuba bulus ku forma di raiña, no ta lebalba ki ofertas di bibida.”

Jeremias 44:19 ပူးပေါင်းရင်းမြစ်များ

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

1 Reis 21:25

(Nunka i ka tenba ningin suma Akab ku ntrega si kurpu pa fasi mal dianti di SIÑOR, manera ku si minjer Jezabel ta pincalba.

2 Kronikas 21:6

I yanda na kamiñu di familia di Akab ku di utru reis di Israel, pabia i kasaba fiju di Akab. I ta fasiba kusas mau dianti di SIÑOR.

Ditus 11:21

Bu pudi ten sertesa kuma omi mau ka na kapli di kastigu, ma algin justu na kapli, el ku si jorson.

Jeremias 44:15

Tudu omis ku sibiba kuma se minjeris na kema nsensu pa utru deusis, ku tudu minjeris ku ojadu firmadu na ki juntamentu, ku tudu judeus ku moraba na tera di Ejitu ku Patros, e ruspundi Jeremias, e falal:

Jeremias 44:20

Jeremias papia ku tudu ki jinti, omis ku minjeris, ku dalba ki rasposta, i punta elis:

Jeremias 7:18

Fijus na buska leña, papes na sindi fugu, minjeris na masa foriña pa fasi bulus pa deus femia ku ta comadu raiña di seu. E na pursenta ofertas di bibida pa utru deusis, pa lantanda ña raiba.

Numerus 30:12

Ma si si omi tujil na ki dia ki obil, tudu palabra ki papia ku si boka, ku juramentu ki mara si kabesa ku el, i ka na firma. SIÑOR na purdal pabia si omi tujil.

Numerus 30:8

Ma si si omi tujil na ki dia ki obil, i nega ki purmesa o ki palabra ki mara si kabesa ku el, SIÑOR na purdal.