Jeremias 44:17 - BIBLIA - traduson antigu in Krioulo

¹⁷ Na bardadi no na fasi tudu kusa ku no fala ku no boka; no na kema nsensu pa raiña di seu, no na pursental ofertas di bibida, suma ku anos ku no papes, no reis ku no ŝefis, no fasi na prasas di Judá ku ruas di Jerusalen. Na ki tempu no ta fartaba kumida; tudu na kurinuba diritu, no ka oja nin un mal,

Jeremias 44:17 ပူးပေါင်းရင်းမြစ်များ

2 Reis 17:16

E disa tudu mandamentus di SIÑOR se Deus, e kumpu imaẑens di dus bakasiñu di metal, e fasi un idulu di Aserá, e mborka dianti di tudu strelas di seu, e adora Baal.

2 Reis 22:17

Suma ke disan, e kema nsensu pa utru deusis, e lantanda ña raiba ku tudu idulus ke kumpu ku se mon, asin ña raiba na yardi kontra e lugar; i ka na paga.’

2 Kronikas 28:23

Suma ku tropas di Siria ngañal na gera, i sakrifika limarias pa deusis di Damasku, i fala: “Manera ku deusis di reis di Siria juda elis, N na ronia elis pa e pudi judan tambi.” Pabia delis i bin kai, el ku tudu Israel.

Neemias 9:34

No reis, no ŝefis, no saserdotis ku no papes e ka obdisi bu lei, nin e ka seta obi bu mandamentus nin avisus ku bu da elis.

Salmus 106:6

No peka suma no papes; no yara, no yanda mal.

Salmus 12:4

i fala: “No na ngana ku no lingua; boka i di nos; kin ku ta manda riba di nos?”

Saida 16:3

e fala elis: “I ta seduba bon si SIÑOR matanu na Ejitu, nunde ku no ta sintaba pertu di panela di karni, no ta kumeba pon tok no ta farta. Ma bo tiranu la, bo tisinu pa e lala, pa matanu ku fomi, anos tudu!”

Isaias 48:5

E ku manda N kontauba ja e kusas disna, N pui pa bu obil antis di i sedu, pa ka bu bin fala: ‘I ña idulu ku fasi e kusas; ña boneka di po, o kil di feru, ku pui pa i sedu.’

Jeremias 1:16

“N na anunsia ña kastigu riba di ña pobu pabia di kusas mau ke fasi. E disan, e kema nsensu pa utru deusis, e adora kusas ke kumpu ku se mon.

Jeremias 11:12

Jinti di prasas di Judá ku Jerusalen e na bai pa deusis ke kema nsensu pa elis, e na coma elis, ma ki deusis ka na pudi libra elis na tempu di se mal.

Jeremias 18:15

Ma ña pobu diskisi di mi, e kema nsensu na idulus ku pui elis kai na se kamiñus; e pirdi ki kamiñus antigu, e yanda na kamiñus ku ka kumpudu.

Jeremias 19:13

Kasas di Jerusalen ku kasas di reis di Judá e na sedu impuru suma Tofet, suma tambi tudu kasas nunde ke kema se nsensu riba di kasa pa sol ku lua ku strelas, e pursenta ofertas di bibida pa utru deusis.’ ”

Jeremias 44:21

“Nta ki nsensu ku bo ta kemaba na prasas di Judá ku ruas di Jerusalen, abos ku bo papes, bo reis ku bo ŝefis ku pobu di tera, SIÑOR i ka lembra del? I ka ta pensa nel?

Jeremias 44:25

Asin ku SIÑOR ku ten tudu puder, Deus di Israel, fala: ‘Abos ku bo minjeris, i ka son pa bo papia ku boka, ma tambi bo pul na pratika. Bo fala: “No na kumpri votus ku no fasi pa kema nsensu pa raiña di seu, pa pursental ofertas di bibida.” I sta bon! Bo kumpri bo votus! Bo fasi tudu ku bo fala!

Jeremias 44:9

Nta bo diskisi ja di ki maldadis ku bo papes, ku reis ku raiñas di Judá, ku abos ku bo minjeris, bo fasi na tera di Judá, na ruas di Jerusalen?

Jeremias 7:17

Nta bu ka oja ke ke na fasi na prasas di Judá ku na ruas di Jerusalen?

Jeremias 7:18

Fijus na buska leña, papes na sindi fugu, minjeris na masa foriña pa fasi bulus pa deus femia ku ta comadu raiña di seu. E na pursenta ofertas di bibida pa utru deusis, pa lantanda ña raiba.

Ezekiel 20:32

“‘Bo fala kuma bo na sedu suma utru nasons, ku jinti di utru teras ku ta adora po ku pedra, ma es ku bo tene na sintidu i ka na sedu.

Ezekiel 20:8

“‘Ma e lanta kontra mi, e ka misti obin; ningin ka bota fora si kusas nujenti ki pui sintidu nel, nin i ka disa idulus di Ejitu. E ku manda N fala kuma N na darma ña raiba riba delis la na tera di Ejitu pa i pudi yardi tok i kaba ku elis.

Ezekiel 23:41

Bo ta sinta riba di kama bonitu, ku mesa pertu del, purparadu; bo pui riba del ña nsensu ku azeiti.

Ezekiel 8:16

I leban pa kintal di dentru di kasa di SIÑOR. La, pertu di entrada di kau sagradu, entri sala di entrada ku altar, serka di vinti i sinku omi, ku vira kosta pa kau sagradu di SIÑOR, ku se rostu pa saida di sol, e na adora sol ku na lanta.

Abakuk 1:16

Asin i ta sakrifika pa si ridia, i kema nsensu pa si kambua, pabia i elis ku ta pul i vivi na luŝu, i kume kumida mas riku.

Numerus 30:12

Ma si si omi tujil na ki dia ki obil, tudu palabra ki papia ku si boka, ku juramentu ki mara si kabesa ku el, i ka na firma. SIÑOR na purdal pabia si omi tujil.

Numerus 30:2

Si un omi fasi purmesa pa SIÑOR, o i mara si kabesa bas di un juramentu, i ka pudi kebra si palabra. Tudu ki papia ku si boka, i ten ku fasil.

Markus 6:26

Rei fika tristi dimas, ma i ka misti purfial, pabia di juramentu ki fasiba dianti di jinti ku staba ku el na mesa.

Ripitison di Lei 23:23

ma kil ku bu fala ku bu boka, bu ten ku guardal, bu kumpril, pabia bu da purmesa pa SIÑOR bu Deus di bu libri vontadi, bu diklaral ku bu boka.

Filipensis 3:19

ku na fin e na pirdi, pabia se deus i se bariga; e ta njata ku kusa di borgoña; e ta kuda son na kusa de mundu.

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,

Ŝefis 11:36

I ruspundil: “Ña pape, bu fasi purmesa pa SIÑOR. Fasin suma ku bu fala, pabia SIÑOR judau pa bu vinga bu inimigus, fijus di Amon,