Jeremias 44:14 - BIBLIA - traduson antigu in Krioulo

¹⁴ Nin un son di restu ku bin sinta na tera di Ejitu ka na kapli ku si vida, pa riba pa tera di Judá nunde ke na misti mora nel; son pukus ku na kuri e kapli.’ ”

Jeremias 44:14 ပူးပေါင်းရင်းမြစ်များ

Isaias 10:20

Na ki dia restu di Israel, kilis di familia di Jakó ku kapli, nunka mas e ka na nkuña na kil ku mistiba kaba ku elis, ma na bardadi e na nkuña na SIÑOR, Deus Santu di Israel.

Isaias 4:2

Tempu na ciga ku SIÑOR na pui plantas na si tera pa e tene bonitasku ku gloria; frutu di con na sedu orgulyu ku gloria pa kilis di Israel ku kapli.

Jeremias 22:10

Ka bo cora mortu di rei Josias, nin ka bo fika tristi aserka del. Bo cora ciu pa kil ku na bai, pabia nunka mas i ka na riba, nin i ka na oja tera ki padidu nel.

Jeremias 42:17

Asin tudu jinti ku pui sintidu pa bai sinta na Ejitu, e na muri ku spada, fomi o duensa. I ka na sobra nin un son delis ku na kapli di mal ku N na manda pa elis.’

Jeremias 42:22

Asin bo pudi sibi kuma bo na muri ku spada, fomi o duensa na ki kau nunde ku bo misti mora nel.”

Jeremias 44:26

Ma bo sukuta palabra di SIÑOR, abos tudu judeus ku sinta na tera di Ejitu. Ami, SIÑOR, N jurmenta pa ña nomi garandi kuma, nunka mas ña nomi ka na comadu pa kualker omi di Judá ku mora na tera di Ejitu. Nin un delis ka na fala: “N jurmenta pa vida di SIÑOR Deus.”

Ezekiel 20:38

N na libra bos di disobdientis ku kilis ku lanta kontra mi; N na tira elis na tera ke mora nel, ma pa tera di Israel e ka na riba. Bo na sibi kuma ami i SIÑOR.

Ezekiel 6:8

“‘Ma N na disa utrus kapli di spada, ora ku bo pajigadu na tera di utru nasons.

Mateus 23:33

“Serpentis! Jorson di kobras! Kuma ku bo na kapli kondenason di nfernu?

Romanus 2:3

Abo, omi ku na julga kilis ku ta fasi e kusas, bu kuda kuma, si bu na fasil, bu na kapli di justisa di Deus?

Romanus 9:27

Oca Isaias na konta di Israel, i yalsa vos, i fala: “Nin ku pobu di Israel sedu ciu suma reia di mar, ma un bokadu son ku na sedu salbu,

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.