Jeremias 44:13 - BIBLIA - traduson antigu in Krioulo

¹³ N na kastiga kilis ku mora na tera di Ejitu ku spada, fomi ku duensa, suma ku N kastiga Jerusalen.

Jeremias 44:13 ပူးပေါင်းရင်းမြစ်များ

Jeremias 11:22

Sin, asin ku SIÑOR ku ten tudu puder fala: N na kastiga elis. Jovens na muri di spada, se fijus macu ku femia e na muri di fomi.

Jeremias 21:9

Kin ku fika na prasa i na muri di spada, fomi o duensa, ma kin ku sai, i bai roga na tropas di Babilonia ku taja bos, i ka na muri, i na salba si vida.

Jeremias 24:10

N na manda spada, fomi ku duensa kontra elis, tok e kabadu ku el na tera ku N da elis ku se papes.”

Jeremias 24:9

N na tisi mal riba delis, tok jinti di tudu renus di mundu ta sinti medu; e njuti elis, e papia ditu aserka delis, e fasi elis trosa, e maldisua elis na tudu kau ku N bota elis.

Jeremias 42:15

ne kasu, bo obi palabra di SIÑOR, abos ku sobra di Judá. Asin ku SIÑOR ku ten tudu puder, Deus di Israel, fala: ‘Si bo pui sintidu pa bai pa Ejitu, tok bo bai sinta la,

Jeremias 42:16

ki spada ku bo medi i na yangasa bos la; fomi ku bo medi i na bai bo tras pa Ejitu; la ku bo na muri.

Jeremias 42:17

Asin tudu jinti ku pui sintidu pa bai sinta na Ejitu, e na muri ku spada, fomi o duensa. I ka na sobra nin un son delis ku na kapli di mal ku N na manda pa elis.’

Jeremias 42:18

Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moraduris di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

Jeremias 43:11

I na bin ataka tera di Ejitu. I na tisi mortu pa kilis ku distinadu pa mortu, katiberasku pa kilis ku distinadu pa katiberasku, spada pa kilis ku distinadu pa spada.

Oseias 9:6

Jinti na kuri pa kapli ku se vida; Ejitu na risibi elis — son pa ntera elis na Memfis! Se rikesas di prata ku se moradias, pe di fidida ku paja brabu na toma konta delis.