Jeremias 43:6 - BIBLIA - traduson antigu in Krioulo

⁶ suma tambi omis, minjeris ku mininus, ku fijus femia di rei, ku tudu jinti ku Nebuzaradan, kapiton di guarda, disaba ku Jedalias, fiju di Aikan, fiju di Safan. E leba tambi anunsiadur Jeremias ku Baruk, fiju di Nerias.

Jeremias 43:6 ပူးပေါင်းရင်းမြစ်များ

Jeremias 38:22

Tudu minjeris ku fika na kasa di rei di Judá e na lebadu pa ŝefis di rei di Babilonia. E na falau: “‘Kil bu amigus ku bu fiansaba nelis e nganau, e ngañau. Gosi bu pe ntola na lama; bu amigus bandonau.’

Jeremias 39:10

Kilis ku sedu mas koitadi, ku ka teneba nada, Nebuzaradan, kapiton di guarda, disa elis na tera di Judá; i da elis ortas di uva ku lugaris na ki dia.

Jeremias 40:11

Oca ku tudu judeus ku staba na Moab, Amon, Edon ku tudu utru teras, obi kuma rei di Babilonia disa utru jinti na Judá, i pui Jedalias, fiju di Aikan, fiju di Safan, suma gubernadur riba delis,

Jeremias 40:7

Ŝefis di tropa di Judá, ku se omis ku staba na matu, e obi kuma rei di Babilonia pui Jedalias, fiju di Aikan, suma gubernadur di tera, kuma i ntregaduba omis, minjeris ku mininus, kilis mas koitadi di tera, ku ka lebaduba katibu pa Babilonia.

Jeremias 41:10

Ismael leba katibu fijus femia di rei ku tudu restu di jinti ku fikaba na Mizpá, ku Nebuzaradan, kapiton di guarda, ntregaba Jedalias, fiju di Aikan; i leba elis katibu, i bai pa pasa pa tera di Amon.

Jeremias 43:3

Baruk, fiju di Nerias, i el propi ku na cuciu kontra nos pa ntreganu na mon di jinti di Babilonia, pa e matanu o e lebanu katibu pa Babilonia.”

Jeremias 45:1

Na kuartu anu di Jeoiakin, fiju di Josias, rei di Judá, Baruk, fiju di Nerias, i skirbi na un libru palabras ku Jeremias na kontalba. Dipus ki kaba, Jeremias fala Baruk e palabra:

Jeremias 52:10

La na Ribla rei di Babilonia mata fijus di Zedekias si dianti; tambi i mata tudu ŝefis di Judá.

Miskiñu di Jeremias 3:1

Ami i algin ku oja kastigu, pabia di mantampa di raiba di Deus.

Bon Noba di Jesus Kristu ku Jon 21:18

N na kontau bardadi, ocau mas nobu, bu ta maraba bu sintu, bu bai kau ku bu mistiba bai, ma ora ku bu beju, bu na distindi bu mon, utru na marau, i leba pa kau ku bu ka misti bai.”