Jeremias 40:5 - BIBLIA - traduson antigu in Krioulo

⁵ Suma ku Jeremias tarda pa ruspundi, kapiton di guarda falal: “Riba pa Jedalias, fiju di Aikan, fiju di Safan, ku rei di Babilonia pui suma gubernadur di prasas di Judá, bu fika ku el na metadi di pobu. O si bu misti bai pa kualker utru ladu, bu ta bai.” Kapiton di guarda dal kumida ku pursenti, i disal i bai.

Jeremias 40:5 ပူးပေါင်းရင်းမြစ်များ

2 Reis 22:12

i da ordi pa saserdoti Ilkias, ku Aikan, fiju di Safan, ku Akbor, fiju di Mikaias, ku sekretariu Safan, ku Asaias, judadur di rei, i fala elis:

2 Reis 22:14

Asin saserdoti Ilkias, ku Aikan, Akbor, Safan ku Asaias, e bai pa sugundu bairu di Jerusalen, pa kasa di anunsiadur Ulda, (si maridu Salun, fiju di Tikvá, fiju di Arás, i ta rakadaba ropa di templu) e papia ku el.

2 Kronikas 34:20

i da ordi pa Ilkias, Aikan, fiju di Safan. Abdon, fiju di Mika, sekretariu Safan ku Asaias, judadur di rei, i fala:

Esdras 7:27

No ngaba SIÑOR Deus di no papes, ku pui na korson di rei pa i judanu faja kasa di SIÑOR na Jerusalen.

Esdras 7:6

Esdras seduba pursor ku kunsiba lei diritu, ki lei ku SIÑOR Deus di Israel daba Moisés. Mon di SIÑOR si Deus staba riba del; asin rei dal tudu ki pidil. Esdras sai na Babilonia,

Neemias 1:11

SIÑOR, yabri bu oreja pa orason di bu servu, tambi pa orason di utru bu servus ku misti rispita bu nomi. Judan aos, bu pui na korson de omi pa i mostran fabur.” Ña tarbaju seduba ntrega rei kopu.

Jo 22:29

Ora ku jinti batidu, bu na fala: ‘Pa e lantandadu!’ Deus na salba umildis.

Ditus 16:7

Si SIÑOR sta kontenti ku manera ku un omi na yanda, i ta fasi si inimigus ten pas ku el.

Ditus 21:1

SIÑOR ta diriẑi pensamentus di rei suma ki ta pui yagu na riusiñus pa i kuri na manera ku el i misti.

Jeremias 15:11

SIÑOR fala: “Na bardadi, N na fortifikau pa ben; N na pui bu inimigus pa e bin pa bo ku pididus na tempu di kastigu ku sufrimentu.

Jeremias 26:24

Aikan, fiju di Safan, i apoia Jeremias pa i ka ntregadu na mon di pobu pa i matadu.

Jeremias 39:14

e manda tira Jeremias na kintal di guarda, e ntregal na mon di Jedalias, fiju di Aikan, fiju di Safan, pa i lebal pa si kasa. Asin Jeremias fika ku si familia.

Jeremias 40:4

Gosi N na librau de korenti na bu mon. Si bu misti bai ku mi pa Babilonia, bin; N na toma konta di bo, ma si bu ka misti, disa. Jubi, tudu tera sta bu dianti; kau ku bu misti bai, bu pudi bai a vontadi.”

Jeremias 41:1

Na setimu mis, Ismael, fiju di Netanias, fiju di Elisama, di familia di rei, ku des omi, kapitons di rei, e bai pa Jedalias, fiju di Aikan, na Mizpá. Oca ke na kume juntu la,

Jeremias 41:18

pabia e tenba medu di jinti di Babilonia, suma ku Ismael, fiju di Netanias, mata Jedalias, fiju di Aikan, ku rei di Babilonia pui gubernadur na tera.

Jeremias 41:2

Ismael, fiju di Netanias, ku ki des omi ku staba ku el, e lanta e mata Jedalias, fiju di Aikan, fiju di Safan, ku spada. Asin e mata kil ku rei di Babilonia pui suma gubernadur di tera.

Atus 27:3

Sol mansi, no ciga na Sidon. Júliu trata Paulu ku bondadi, i disal pa i bai jubi amigus, pa e pudi dal ke ki pirsisa.

Atus 27:43

ma se kapiton mistiba libra Paulu; i tuji elis fasi ke ke na fala. I manda pa kilis ku sibi nada pa e kai purmeru na yagu pa e yangasa tera;

Atus 28:10

E kumsa mostranu manga di sinal di rispitu. Oca ku no na mbarka, e lebanu pa barku kusas ku no na pirsisaba del na bias.

Ebreus 13:6

E ku manda no pudi fala ku fiansa: “Siñor i ña Judadur; N ka na medi. Ke ku algin pudi fasin?”