Jeremias 4:31 - BIBLIA - traduson antigu in Krioulo

³¹ N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 4:31 ပူးပေါင်းရင်းမြစ်များ

Kumsada 27:46

Rebeka fala Isak: “N sta disgostadu di ña vida pabia de minjeris eteu. Si Jakó kasa ku un minjer de tera, un fiju di Et suma esis li, ke ku ña vida na bali?”

Jo 10:1

“N kansa ku ña vida; N ka na tuji ña keŝa pa i sai libri vontadi; N na papia ku kasabi na ña korson.

Salmus 120:5

Koitadi di mi, pabia N sedu ospri na Mesek, N mora na tendas di Kedar.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Isaias 13:8

E na panta dimas; dur ku foronta na toma konta delis. E na tursi kurpu suma minjer na partu, e na jubi ŋutru ku medu; se rostus na kema ku borgoña.

Isaias 21:3

Ña kurpu na tursi ku dur. Dur toma konta di mi suma dur di minjer ku sta na partu. N foronta tok N ka pudi obi; N dismaja tok N ka pudi oja.

Isaias 26:17

Suma minjer preñada, ora ki pertu padi, i ta grita na si dur di partu, asin ku no staba bu dianti, o SIÑOR.

Isaias 42:14

“N kala manga di tempu, N fika ketu, N mara ña korson; ma gosi N na grita suma minjer ku sta na ora di partu; N na fasi stragu.

Isaias 6:5

N fala: “Ai di mi! N sta pirdidu, pabia N sedu omi di boka susu, N mora na metadi di jinti di boka susu, ma ña uju oja Rei, SIÑOR ku ten tudu puder!”

Jeremias 10:19

Ai di mi pabia di ña molostu! Ña caga na fasin dur dimas! N fala ña kabesa: “Es i ña duensa; N ten ku nguental.”

Jeremias 13:21

Ke ku bu na fala ora ku Deus pui riba di bo kilis ku bu pegaba amisadi ku elis? Nta bu ka na bin sufri dur suma minjer ku sta di partu?

Jeremias 14:18

Si N sai pa matu, N ta oja kilis ku matadu ku spada; si N yentra na prasa, N ta oja jinti ku na dismaja ku fomi. Mesmu anunsiaduris ku saserdotis e na yanda-yanda na un tera ke ka kunsi.’ ”

Jeremias 15:18

Ke ku manda ña dur ka ta kaba, ña caga na den, i ka seta san? Nta bu na sedu pa mi suma riusiñu ku ta ngana, pabia si yagu ta seku?

Jeremias 18:21

Asin, ntrega se fijus pa fomi, bu ntrega elis pa spada; se minjeris pa e robadu se fijus, pa e fika viuvas; se maridus pa e matadu, se jovens pa e matadu ku spada na gera.

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 30:6

Punta, bu jubi si un omi pudi tene dur di partu. Ke ku manda N na oja kada omi ku mons riba di si bariga suma minjer ku na padi? Kuma ku se rostus bida brankasenti?

Jeremias 45:2

“Asin ku SIÑOR Deus di Israel papia aserka di bo, Baruk:

Jeremias 48:41

Prasas na tomadu, tudu ku kuartel. Na ki dia korson di omis forti di Moab na torna suma minjer ku na sufri dur di partu.

Jeremias 49:22

Inimigu na bin kontra Bozra suma agia ku ta subi, i ria, i distindi si asas riba del. Na ki dia korson di omis forti na sedu suma korson di minjer ku sta na dur di partu.”

Jeremias 49:24

Damasku bida fraku, i da kosta pa kuri. Medu toma konta del, foronta ku dur pañal suma minjer na partu.

Jeremias 50:43

Rei di Babilonia obi noba delis; si mon bida moli. Foronta toma konta del, ku dur suma minjer ku sta na partu.

Jeremias 6:2

Prasa di Sion i bonitu, i finu, ma N na danal.

Miskiñu di Jeremias 1:17

“Sion distindi mon, ma i ka ten kin ku na konsolal. SIÑOR da ordi kuma visiñus di Jakó na bida si inimigus. Jerusalen pa elis i un kusa susu.

Miskiñu di Jeremias 1:20

“SIÑOR, jubi manera ku N sta forontadu, tarpajadu dentru di mi! Ña korson sta turmentadu pabia N disobdisi ciu. La fora, spada na mata ña fijus; dentru di mura, mortu son ku sta la.

Miskiñu di Jeremias 2:21

“Bejus ku nobus dita na reia na ruas; ña rapasis ku bajudas matadu ku spada; bu mata elis na dia di bu raiba, sin sinti pena delis.

Oseias 13:13

Dur di partu bin pa si mame, ma el i un mininu sin juisu, pabia tempu ciga, ma el i ka sta na kau ki dibi di sta nel pa i pudi padidu.

Mikeias 4:10

Pobu di Sion, bo stika kurpu ku dur, suma kil ku na padi, pabia gosi bo na sai na prasa, bo na mora na matu; bo na bai te na Babilonia. La bo na salbadu, pabia SIÑOR na salba bos na mon di bo inimigus.

Mikeias 4:9

Gosi, ke ku manda bu na grita risu ne manera? Nta rei ka ten na bo? O bu konsijaduris muri tudu, ku manda dur toma konta di bo suma minjer ku na padi?

Mikeias 7:1

Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Mateus 21:5

“Bo fala prasa di Sion: ‘Ali bu Rei na bin pa bo, mansu, montadu na un buru, montadu na fijusiñu di buru, animal di kargu.’ ”

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.