Jeremias 4:18 - BIBLIA - traduson antigu in Krioulo

¹⁸ Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Jeremias 4:18 ပူးပေါင်းရင်းမြစ်များ

Salmus 107:17

Utrus ku sedu tulu e sufri kastigu, pabia e kebra lei, e pega kamiñu di pekadu.

Ditus 1:31

Asin e na risibi rusultadu di kusas ke fasi. Se planus pa mal na kai riba delis.

Ditus 5:22

Pekadus di omi mau i si armadilia; i ta pañadu ku kordas di si propi pekadu.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Jeremias 14:16

Jinti ke na anunsia pa elis e na botadu na ruas di Jerusalen pabia di fomi ku spada; i ka na ten kin ku na ntera elis, nin se minjeris, nin se fijus macu o femia. N na darma riba delis kastigu di se maldadi.

Jeremias 2:17

Nta tudu e kusas ku kontisi ku bo i ka pabia bu disa SIÑOR bu Deus, oca ki na giauba na kamiñu?

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 26:19

Nta Ezekias, rei di Judá, ku pobu di Judá, e mata Mikeias? Ezekias i ka bin sinti medu di SIÑOR? I ka bai pidi fabur di SIÑOR? SIÑOR ka bin ripindi di mal ki falaba kontra elis? Ma anos, no na tisi garandi mal riba di no kabesa!”

Jeremias 5:19

Ora ke puntau: ‘Ke ku manda SIÑOR no Deus fasinu tudu e kusas?’ bu na fala elis: ‘Suma ku bo disa SIÑOR, bo bai sirbi deusis stranjeru na bo propi tera, asin bo na sirbi stranjerus na tera ki ka di bos.’

Jeremias 5:25

Bo maldadi disvia bos e kusas; bo pekadus tuji bos e kusas bon.

Jeremias 6:19

O mundu, obi! N na tisi mal riba de pobu, suma kastigu di se mau pensamentus, pabia e nega obi ña palabras, e ka obdisi ña lei.

Miskiñu di Jeremias 3:15

I fartandan ku paja malgos, i camintin ku bibida malgos.

Ezekiel 39:24

N trata elis konformi se susidadi ku pekadu, N sukundi ña rostu delis.”

Oseias 7:2

I ka ta yentra na se sintidu kuma, ami N ta lembra di tudu se maldadi, ma se pekadus sta na se roda; N ka pudi ka oja elis.