Jeremias 39:4 - BIBLIA - traduson antigu in Krioulo

⁴ Oca ku Zedekias, rei di Judá, ku tudu si omis di gera, oja elis, e kuri, e sai na prasa di noti na kamiñu di jardin di rei, pa porta ku sta na metadi di dus mura. Zedekias sai i pega kamiñu di bulaña.

Jeremias 39:4 ပူးပေါင်းရင်းမြစ်များ

2 Kronikas 32:5

Ezekias pega tesu, i kumpu tudu kau di mura ku danaba, i kumpu toris riba del, i kumpu utru mura na ladu di fora, i fortifika Milu na prasa di Davi, i kumpu manga di material di gera ku tajaderas.

Isaias 22:11

Bo kumpu tambi un kau di guarda yagu na metadi di dus mura, pa paña yagu ku na bin di lagua antigu, ma bo ka jubi pa riba, pa Deus ku kumpul, nin bo ka pensa na ki algin ku formal na tempu antigu.

Isaias 22:3

Tudu bu ŝefis kuri juntu, e pañadu sin usa mansasa. Tudu jinti di prasa kuri lunju, ma e pañadu juntu.

Isaias 29:2

Ami N na perta Ariel tok i tene cur ku miskiñu. I na sedu pa mi suma kau di pui fugu na altar.

Jeremias 32:4

Zedekias, rei di Judá, i ka na kapli na mon di tropas di Babilonia, ma i na ntregadu na mon di se rei, i na ojal uju ku uju, i na papia ku el rostu ku rostu.

Jeremias 32:5

I na leba Zedekias pa Babilonia; i na fika la te ora ku ami, SIÑOR, N bai trata ku el. Mesmu ku bo geria kontra tropas di Babilonia, bo ka na ngaña elis.’ ”

Ezekiel 12:12

“Fiju di rei ku sta na se metadi i na leba si kusas na ombra; i na bin sai na fuska-fuska. E na yabri un buraku na paredi pa tira si kusas. I na kubri rostu pa ka si uju oja kau ki na bai.

Ezekiel 12:4

Di dia wan, bu na tira bu kusas fora, na se uju, suma kin ku na munda. Di tardi bu na sai, na se uju, suma kin ku na bai pa utru lugar.

Sirmonias 26:17

N na pui ña rostu kontra bos pa bo inimigus ngaña bos; kilis ku odia bos e na manda riba di bos. Bo na kuri sin ningin serka bos.

Sirmonias 26:36

“Kilis di bos ku fika ku vida, N na miti medu na se korson na tera di se inimigus, tok baruju di paja ku bentu na supra i na pui elis pa e kuri. E na kuri suma kin ku na kapli di spada, tok e kai, sin ningin ka serka elis.

Amos 2:14

Kil ku kuri rapidu i ka na kapli; omi forti ka na pudi junta si forsa, nin omi di koraẑen ka na salba si vida.

Ripitison di Lei 28:25

SIÑOR na da bu inimigus vitoria riba di bo; bu na sai na un kamiñu kontra elis, ma bu na kuri se dianti na seti kamiñu. Tudu renus di mundu na panta si e oja ke ku pasa ku bo.