Jeremias 38:18 - BIBLIA - traduson antigu in Krioulo

¹⁸ ma si bu ka ntrega bu kabesa pa ŝefis di rei di Babilonia, e prasa na ntregadu na mon di tropas di Babilonia; e na kemal ku fugu. Bu ka na kapli na se mon.’ ”

Jeremias 38:18 ပူးပေါင်းရင်းမြစ်များ

2 Reis 24:12

Joakin, rei di Judá, sai pa rei di Babilonia, el ku si mame, si ŝefis, si garandis ku si funsionarius. Na oitavu anu di si renansa, rei di Babilonia leba Joakin prezu.

Jeremias 21:10

N pui ña rostu kontra e prasa pa mal, i ka pa ben. I na ntregadu na mon di rei di Babilonia; el i na kemal ku fugu. Asin ku ami, SIÑOR, N fala.’

Jeremias 27:8

“ ‘ “Ma si kualker nason o renu nega sirbi Nabukodonosor, rei di Babilonia, i ka pui si garganti bas di si kanga, N na kastiga ki nason ku spada, fomi ku duensa, tok N kaba ku elis pa mon di Nabukodonosor.

Jeremias 37:8

Tropas di Babilonia na riba, e na geria kontra e prasa, e na tomal, e kemal ku fugu.

Jeremias 38:23

“Asin tudu bu minjeris ku bu fijus na lebadu pa jinti di Babilonia. Abo bu ka na kapli na se mon, ma bu na sta prezu na mon di rei di Babilonia ku na kema e prasa ku fugu.”

Jeremias 38:3

Asin ku SIÑOR fala: ‘E prasa, i ka na maina, i na ntregadu na mon di tropas di rei di Babilonia; el i na tomal.’ ”

Jeremias 39:3

Tudu ŝefis di rei di Babilonia yentra, e sinta na porton di metadi. Ki ŝefis e seduba Nergal-Sarezer, Sangar-Nebu, Sarsekin, Rab-Saris, utru Nergal-Sarezer, Rab-Magi ku tudu utru ŝefis di rei di Babilonia.

Jeremias 39:8

Tropas di Babilonia kema kasa di rei ku fugu, ku kasas di pobu, e bati muras di Jerusalen.

Ezekiel 12:13

N na distindi ña ridia riba del pa i pañadu nel; N na lebal pa Babilonia, tera di kaldeus, ma i ka na ojal; i na bin muri la.

Ezekiel 17:15

ma rei di Judá ka mistiba fika bas del. I manda si jinti pa Ejitu pa e ranja kabalus ku manga di tropa. Nta algin ku fasi kusas asin i na bai dianti? I na kapli? I pudi dana kontratu, i kapli?