Jeremias 36:6 - BIBLIA - traduson antigu in Krioulo

⁶ Yentra abo ku rolu ku bu skirbi nel tudu palabras ku N falau, bu leil na oreja di pobu, na kasa di SIÑOR, na dia di junjun. Tambi bu na leil dianti di tudu Judá ku bin di se prasas.

Jeremias 36:6 ပူးပေါင်းရင်းမြစ်များ

Jeremias 18:11

“Asin, bai papia ku omis di Judá ku moraduris di Jerusalen, bu fala elis kuma asin ku SIÑOR fala: ‘Jubi, N na purpara mal pa bos, N na forma planu kontra bos. Bo konverti, kada un di bos, di bo mau manera di yanda, bo minjoria bo manera di yanda ku kusas ku bo ta fasi.’

Jeremias 19:14

Jeremias riba di Tofet, kau ku SIÑOR mandalba pa i anunsia, i bai firma na kintal di kasa di SIÑOR, i fala pobu:

Jeremias 22:2

“Obi palabra di SIÑOR, abo, rei di Judá ku sinta na tronu di Davi, ku bu ŝefis, ku bu pobu ku ta yentra ne portons.

Jeremias 26:2

“Asin ku SIÑOR fala: Bai firma na kintal di kasa di SIÑOR, bu papia ku jinti di tudu prasas di Judá ku bin pa adora na kasa di SIÑOR; fala elis tudu palabras ku N mandau; ka bu diskisi di nin un son.

Jeremias 36:2

“Toma un rolu, bu skirbi nel tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

Jeremias 36:4

Jeremias coma Baruk, fiju di Nerias. Baruk skirbi na rolu konformi Jeremias na papia tudu palabras ku SIÑOR mostralba.

Jeremias 7:2

i falal pa i bai firma na porton di kasa di SIÑOR, i konta e palabra, i fala: “Pobu di Judá, bo obi palabra di SIÑOR, abos ku ta yentra ne porton pa adora SIÑOR.

Zakarias 8:19

“Asin ku SIÑOR ku ten tudu puder fala: Junjun di kuartu, kintu, setimu ku desimu mis na sedu pa Judá festivalis di kontentamentu ku alegria. Bo ba ta sigi bardadi ku pas.”

Atus 27:9

No pirdiba ja manga di tempu; junjun di dia di sakrifisiu pa purdon di pekadu i pasa. Suma ku tempu tornaba ja mau pa yanda na mar, Paulu konsija elis,