Jeremias 36:31 - BIBLIA - traduson antigu in Krioulo

³¹ N na kastigal, ku si fijus, ku si ŝefis, pabia di se pekadu. N na tisi riba del, ku moraduris di Jerusalen, ku omis di Judá, tudu ki mal ku N papia kontra elis, pabia e ka obdisin.’ ”

Jeremias 36:31 ပူးပေါင်းရင်းမြစ်များ

Salmus 94:23

I na pui se propi pekadu kai riba delis, i na kaba ku elis pabia di se maldadi. SIÑOR no Deus na kaba ku elis.

Ditus 29:1

Omi ku raprindidu manga di bias, i ndurusi si korson, di repenti i na kebrantadu, i ka na ten kura.

Jeremias 11:8

ma e ka obi, nin e ka para sintidu; kada kin yanda konformi duresa di si korson mau. E ku manda N tisi riba delis tudu maldison de kontratu ku N manda elis pa e obdisi, ma e ka obdisi.’ ”

Jeremias 17:18

Libran di borgoña ma pui kilis ku na pirsigin pa e burguñu. Pui elis pa e panta, ma libran di spantu. Tisi dia di mal riba delis, bu kaba ku elis ku kastigu dobru.

Jeremias 19:15

“Asin ku SIÑOR ku ten tudu puder, Deus di Israel, fala: ‘N na tisi riba de prasa, ku tabankas na si roda, tudu mal ku N anunsia kontra el, pabia e ndurusi se korson, e nega obi ña palabras.’ ”

Jeremias 23:34

Si un anunsiadur o saserdoti o kualker algin fala: ‘Es i rekadu di SIÑOR,’ N na kastiga ki omi ku si familia.

Jeremias 29:32

asin ku ami, SIÑOR, N fala: N na kastiga Semaias di Neelan ku si jorson; i ka na tene ningin na si jorson ku na sinta na metadi de pobu. I ka na oja kusas bon ku N na fasi pa ña pobu, pabia si palabra pui elis disobdisin.” Asin ku SIÑOR fala.

Jeremias 35:17

“Pabia di kila, ami, SIÑOR Deus ku ten tudu puder, Deus di Israel, N fala: Jubi, N na tisi riba di Judá ku tudu moraduris di Jerusalen tudu mal ku N fala kontra elis. N papia ku elis, e ka obdisin; N coma elis, e ka kudin.”

Jeremias 52:2

I fasi mal dianti di SIÑOR, suma ku Jeoiakin fasiba.

Ezekiel 7:8

Gosi N ka na tarda; N na darma ña raiba tok N kabal na bo. N na julgau konformi kusas ku bu fasi; N na pui tudu bu kustumus nujenti pa e kai riba di bu kabesa.

Ezekiel 7:9

“N ka na jubiu ku pena, nin N ka na purdau. N na pui kusas ku bu fasi, ku kustumus nujenti ku sta na bo metadi, pa e kai riba di bos. Asin bo ta sibi kuma i ami, SIÑOR, ku ta kastiga.

Sirmonias 26:14

“Si bo ka sukutan, bo ka obdisi tudu e mandamentus,

Mateus 23:37

“Ai Jerusalen, Jerusalen, ku ta mata anunsiaduris, bu ta da ku pedras jinti ku Deus mandau! Kantu bias ku N misti junta bu fijus suma galiña ta junta si fijus bas di si asas, ma bu ka seta!