Jeremias 36:2 - BIBLIA - traduson antigu in Krioulo

² “Toma un rolu, bu skirbi nel tudu palabras ku N falau aserka di Israel, Judá ku tudu nasons, disna di dia ku N kumsa na papia ku bo na tempu di Josias, te aos.

Jeremias 36:2 ပူးပေါင်းရင်းမြစ်များ

Esdras 6:2

La na palasiu di Akmetá, na pruvinsia di Media, e bin oja un rolu ku skirbiduba nel kusas di lembransa ku fala asin:

Jo 31:35

“Ai! Si N teneba algin ku na obin! Ali N skirbi ña difesa, N pui ña nomi. Deus ku ten tudu puder pa i ruspundin! Kin ku na keŝa kontra mi i dibi di skirbi si akusason.

Salmus 40:7

Dipus N fala: “Alin li; na rolu di libru i sta skritu aserka di mi.

Saida 17:14

SIÑOR fala Moisés: “Skirbi es na un libru pa lembransa, bu kontal na oreja di Josué, kuma ami N na bin kaba ku Amalek tok ningin ne mundu ka na lembra del.”

Isaias 8:1

SIÑOR falan: “Toma un kusa garandi di skirbi nel, bu skirbi na letras ku omis pudi lei: ‘Maer-Salal-As-Baz.’ ”

Jeremias 1:10

Aos N dau otridadi riba di renus ku nasons, pa rinka, pa bati, pa dana, pa pajiga, tambi pa kumpu, pa paranta.”

Jeremias 1:5

“Antis di N kumpou na bariga, N kunsiu; antis di bu padidu, N kujiu pa bu sedu anunsiadur pa nasons.”

Jeremias 1:9

Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Jeremias 2:4

Abos, tudu jorson di Jakó, tudu familias di Israel, bo obi palabra di SIÑOR.

Jeremias 25:3

“Duranti vinti i tris anu, disna di anu 13 di Josias, fiju di Amon, rei di Judá, te aos, SIÑOR ta papia ku mi. Ami N ta konta bos ke ki fala, N ta mandurga N konta bos, ma bo ka ta sukuta.

Jeremias 30:2

kuma SIÑOR, Deus di Israel, fala: “Skirbi na libru tudu palabras ku N falau.

Jeremias 36:14

Tudu ŝefis manda Jeudi, fiju di Netanias, fiju di Selemias, fiju di Kusi, pa i fala Baruk: “Ki rolu ku bu lei dianti di pobu, tomal bu tisi.” Baruk, fiju di Nerias, toma libru, i bai pa elis.

Jeremias 36:18

Baruk fala elis: “Sin, i el ku kontan kada palabra; ami N fika N na skirbil na libru ku tinta.”

Jeremias 36:23

Oca ku Jeudi lei tris o kuatru kulunas di rolu, rei kortal ku faka di sekretariu, i botal na fugu. I fika i na fasi asin tok i kaba kema rolu tudu na ki fugu.

Jeremias 36:29

Fala Jeoiakin, rei di Judá, kuma asin ku SIÑOR fala: ‘Abo bu kema ki rolu, bu punta: “Ke ku manda bu skirbi nel kuma, na bardadi, rei di Babilonia na bin, i na dana e tera, i na kaba ku omis ku limarias ku sta nel?”

Jeremias 36:6

Yentra abo ku rolu ku bu skirbi nel tudu palabras ku N falau, bu leil na oreja di pobu, na kasa di SIÑOR, na dia di junjun. Tambi bu na leil dianti di tudu Judá ku bin di se prasas.

Jeremias 45:1

Na kuartu anu di Jeoiakin, fiju di Josias, rei di Judá, Baruk, fiju di Nerias, i skirbi na un libru palabras ku Jeremias na kontalba. Dipus ki kaba, Jeremias fala Baruk e palabra:

Jeremias 51:60

pabia i skirbiba ja na un libru tudu mal ku na binba riba di Babilonia, ku tudu utru palabras ku skirbidu aserka di Babilonia.

Ezekiel 2:9

N jubi, N oja un mon ku distindi pa mi, ku pega rolu di libru.

Oseias 8:12

N skirbi elis manga di kusa di ña lei, ma e tenel suma kusa strañu.

Ripitison di Lei 31:24

Oca ku Moisés kaba skirbi tudu palabras de lei na un libru, disna di kumsada te na kabantada,

Ebreus 10:7

Dipus N fala: ‘O Deus, alin li pa N fasi bu vontadi, suma ki sta skritu di mi na libru.’ ”