Jeremias 34:14 - BIBLIA - traduson antigu in Krioulo

¹⁴ ‘Kada seti anu kada un di bos ten ku larga si ermon israelita ku bindi si kurpu pa i sedu bu katibu. Si i tarbaja pa bo seis anu, bu ten ku largal.’ Ma bo papes ka obdisin, nin e ka para sintidu.

Jeremias 34:14 ပူးပေါင်းရင်းမြစ်များ

1 Reis 21:25

(Nunka i ka tenba ningin suma Akab ku ntrega si kurpu pa fasi mal dianti di SIÑOR, manera ku si minjer Jezabel ta pincalba.

1 Reis 9:22

Ma Salomon ka fasi kualker israelita pa i sedu katibu. Elis e seduba si omis di gera, si funsionarius, si kapitons, ku ŝefis di si karus ku si kabalerus.

2 Kronikas 28:10

Gosi ja, bo misti tene omis ku minjeris di Judá ku Jerusalen suma bo katibus. Nta abos tambi, bo ka kulpadu dianti di SIÑOR bo Deus?

2 Kronikas 36:16

ma e ri jinti ku Deus manda, e njuti si palabra, e fasi trosa di si anunsiaduris, tok raiba di SIÑOR torna forti dimas kontra si pobu; remediu ka tenba ja pa elis.

Neemias 9:30

Pa manga di anu bu mostra pasensa ku elis; bu Spiritu avisa elis pa boka di bu anunsiaduris, ma e ka para sintidu. E ku manda bu ntrega elis na mon di jinti di utru teras,

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Isaias 58:6

“Es i junjun ku N kuji: pa bu dismanca kilis ku maradu ku korenti di injustisa, bu sapa kordas di katibus, bu larga kilis ku kalkadu, bu padasa tudu korentis.

Jeremias 11:7

Disna di tempu ku N tira bo papes na tera di Ejitu, te aos, N avisa elis manga di bias. N mandurga, N papia ku elis, N fala: Bo para sintidu na ña palabra,

Jeremias 32:30

“Fijus di Israel ku Judá e ka fasi nada si i ka son mal ña dianti, disna oca elis nobu; e ka fasi nada si i ka son lantanda ña raiba ku kusas ke kumpu ku mon.” Asin ku SIÑOR fala.

Jeremias 35:15

N manda bos tudu ña servus anunsiaduris; kada dia ku sol na mansi e ta fala: “Bo konverti, kada kin di si mau manera di yanda, bo fasi bon kusas; ka bo bai tras di utru deusis pa sirbi elis; asin bo ta fika na tera ku N da bos ku bo papes.” Ma bo ka para sintidu, nin bo ka obdisin.

Ezekiel 20:4

“Fiju di omi, bu sta pruntu pa julga elis? Bu ten ku julga elis. Pui elis pa e rapara kusas nujenti di se papes;

Ezekiel 20:8

“‘Ma e lanta kontra mi, e ka misti obin; ningin ka bota fora si kusas nujenti ki pui sintidu nel, nin i ka disa idulus di Ejitu. E ku manda N fala kuma N na darma ña raiba riba delis la na tera di Ejitu pa i pudi yardi tok i kaba ku elis.

Sirmonias 25:10

“Bo na tene anu di sinkuenta suma sagradu, bo na anunsia liberdadi pa tudu jinti ku mora na tera. I na sedu pa bos anu di jubileu; kada kin na riba pa si kau, tambi kada kin na bai pa si familia.

Amos 2:6

Asin ku SIÑOR fala: “Pabia di pekadu di pobu di Israel ke torna buri manga di bias, N ka na purda elis, pabia e ta bindi algin justu pa diñeru, e bindi kil ku ten falta pa un par di sapatus.

Amos 8:6

Tambi no na bindi kaska di trigu; no na kumpra koitadis ku diñeru, no kumpra kilis ku ten falta pa un par di sapatu.”

Romanus 7:24

Disgrasadu algin ku N sedu! Kin ku na libran de kurpu ku na leban pa mortu?

Ripitison di Lei 15:1

Na kabantada di kada seti anu bu ta purda dibidas.

Ripitison di Lei 15:12

Si bu kumpra un israelita, omi o minjer, pa i sedu bu katibu, i na sirbiu pa seis anu, ma na setimu anu bu na largal.

Ripitison di Lei 15:9

Toma sintidu pa ka da lugar pa un pensamentu malvadu, pa bu fala: “Setimu anu, ku sedu anu di purda dibida, i sta ja pertu;” asin bu jubi bu ermon koitadi ku mau rostu, bu ka dal nada. Si i coma pa SIÑOR kontra bo, bu na ojadu kulpadu di pekadu.