Jeremias 33:21 - BIBLIA - traduson antigu in Krioulo

²¹ bo pudi tambi kebra ña kontratu ku ña servu Davi, pa ka i tene fiju ku na rena na si tronu; tambi bo pudi kebra ña kontratu ku saserdotis di jorson di Levi, ña servus.

Jeremias 33:21 ပူးပေါင်းရင်းမြစ်များ

2 Samuel 23:5

“Nin ku ña familia ka bin na yanda de manera, ma Deus fasi ku mi un kontratu ku ka na kaba, ku rumadu diritu, ku sta suguru. Ña salbason ku ña kontentamentu na sedu kompletu, nin ki ka sta inda maduru.

2 Kronikas 21:7

SIÑOR ka mistiba kaba ku renansa di jorson di Davi, pabia di kontratu ki fasiba ku el, oca ki falal kuma sempri i na ten algin di si jorson na renansa suma lus.

2 Kronikas 7:18

ami N na konfirma tronu di bu renu, konformi kontratu ku N fasi ku bu pape Davi, oca ku N falal: ‘I ka na falta omi di bu jorson pa guberna riba di Israel.’

Salmus 132:17

“La N na buri forsa di Davi, N na purpara un lus pa kil ku N unji.

Salmus 89:34

N ka na kebra ña kontratu, nin N ka na muda kil ku ña boka papia.

Salmus 89:36

kuma si jorson na tarda pa sempri, si renansa na kontinua ña dianti suma sol;

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Isaias 66:22

I torna fala mas: “Suma ku nobu seu ku nobu tera ku N na bin fasi na sta ña dianti pa sempri, asin ku bo jorson ku bo nomi na sta.

Jeremias 33:18

Tambi saserdotis di jorson di Levi e ka na tene falta di omi ku na sta ña dianti pa pursenta oferta kemadu, pa kema oferta di kumida, tambi pa fasi sakrifisiu kada dia.”

Daniel 7:14

I dadu puder pa manda, ku gloria, ku renu, pa tudu rasas ku nasons ku jinti di tudu linguas pudi adoral. Si puder pa manda i pa sempri, i ka na pasa. Si renu i uniku ku ka na kabadu ku el.

Mateus 24:35

Seu ku tera na pasa, ma ña palabra ka na pasa.

Apokalipsi 5:10

Bu fasi elis reis ku saserdotis pa e sirbi no Deus; e na rena riba di mundu.”