Jeremias 32:8 - BIBLIA - traduson antigu in Krioulo

⁸ Asin, suma ku SIÑOR fala, Anameel, fiju di ña tiu, i bin pa mi na kintal di guarda, i falan: “Kumpra ña yardansa ku sta na Anatot na tera di Benjamin, pabia abo i parenti mas pertu, bu ten diritu di kumpral. Bu pudi kumpral pa bo.” Asin N ntindi kuma es i seduba palabra di SIÑOR,

Jeremias 32:8 ပူးပေါင်းရင်းမြစ်များ

1 Reis 2:26

Rei fala saserdoti Abiatar pa i bai pa si lugar na Anatot, i falal: “Bu mersi matadu, ma N ka na matau aos, pabia bu ta lebaba arka di SIÑOR Deus dianti di ña pape Davi, tambi bu sufri juntu ku el.”

1 Reis 22:25

Mikaias falal: “Bu na bin oja kila ora ku dia ciga ku bu kuri pa sukundi na un kuartu di tras.”

1 Kronikas 6:60

Di jorson di Benjamin e dadu Jibeon, Jeba, Alemet ku Anatot, tudu ku se kau di bakia na roda. Asin i dadu trezi prasa pa familias di Koat.

Jeremias 1:1

Es i palabra di Jeremias, fiju di Ilkias, un di saserdotis ku staba na Anatot na tera di Benjamin.

Jeremias 32:2

Na ki tempu tropas di rei di Babilonia e taja Jerusalen. Anunsiadur Jeremias staba ficadu na kintal di guarda di kasa di rei di Judá.

Jeremias 32:25

Kontudu e prasa na ntregadu na mon di jinti di Babilonia, abo, SIÑOR Deus, bu falan pa N kumpra ki lugar ku diñeru, pa N coma tustumuñas pa e sina dokumentu.”

Jeremias 32:7

“Anameel, fiju di bu tiu Salun, i na bin pa bo, i falau: ‘Kumpra ña lugar ku sta na Anatot, pabia abo, suma parenti mas pertu, bu ten diritu di kumpral.’ ”

Jeremias 33:1

SIÑOR bin papia ku Jeremias sugundu bias, oca ki staba inda ficadu na kintal di guarda, i falal:

Jeremias 37:12

Jeremias sai na Jerusalen ku ideia di bai pa tera di Benjamin, pa toma si parti di yardansa na metadi di pobu.

Ezekiel 12:7

Suma ki dan ordi pa N fasi, asin ku N fasi. Di dia N tira ña kusas fora suma kin ku na munda. Di tardi N yabri buraku na paredi ku ña mon. Na fuska-fuska N tira elis pa fora, N pui na ombra se dianti, N bai.

Zakarias 11:11

Asin, kontratu nuladu na ki dia. Koitadis di koral ku na jubiba pa mi e bin rapara kuma es i palabra di SIÑOR.

Bon Noba di Jesus Kristu ku Jon 4:53

Pape di mininu lembra kuma i sedu na ki ora ku Jesus falal kuma si fiju na bibu. I fia, ku tudu jinti di si kasa.