Jeremias 32:22 - BIBLIA - traduson antigu in Krioulo

²² Bu da elis e tera ku bu jurmenta da se papes, tera riku ku ta pruduzi ciu.

Jeremias 32:22 ပူးပေါင်းရင်းမြစ်များ

Kumsada 13:15

Tudu tera ku bu na oja, N na dau el, abo ku bu jorson pa sempri.

Kumsada 24:7

SIÑOR, Deus di seu, ku tisin di kasa di ña pape, di tera di ña parentis, i papia ku mi, i jurmenta, i fala kuma i na da e tera pa ña jorson. El ku na manda si anju pa i bai bu dianti, pa bu pudi ranja minjer la pa ña fiju.

Kumsada 50:24

Dipus, José fala si ermons: “Ami N na muri, ma di sertesa Deus na bin juda bos, i na fasi pa bo sai ne tera pa tera ki jurmenta pa da Abraon, Isak ku Jakó.”

Neemias 9:15

Oca ke teneba fomi, bu da elis pon di seu; oca ke teneba sedi, bu tira yagu na pedra garandi pa elis. Bu fala elis pa e yentra e toma tera ku bu yalsa mon, bu jurmenta kuma bu na da elis.

Saida 13:5

Ora ku SIÑOR leba bos pa tera di kananeus, eteus, amoreus, eveus ku jebuseus, ki jurmenta pa bo papes antigu kuma i na da bos, tera riku ku ta pruduzi ciu, bo guarda e festival ne mis.

Saida 3:17

E ku manda N fala kuma N na tira bos di kastigu na Ejitu, pa leba bos pa tera di kananeus, eteus, amoreus, perizeus, eveus ku jebuseus, un tera riku ku ta pruduzi ciu.” ’

Saida 3:8

Pabia di kila, N ria pa bin libra elis na mon di ejipsius, pa tira elis na ki tera, pa leba elis pa un tera bon, largu, un tera riku ku ta pruduzi ciu, ku sedu tera di kananeus, eteus, amoreus, perizeus, eveus ku jebuseus.

Jeremias 11:5

Asin N ta kumpri juramentu ku N fasi pa bo papes, pa da elis un tera riku ku ta pruduzi ciu — e tera ku bo tene aos.’ ” N ruspundi, N falal: “Asin ki sedu, SIÑOR.”

Ezekiel 20:15

N yalsa mon, N jurmenta pa elis na lala kuma N ka na leba elis na ki tera ku N da elis, tera riku ku ta pruduzi ciu, mas bonitu di ki tudu teras,

Ezekiel 20:6

Na ki dia N yalsa mon pa elis, N jurmenta kuma N na tira elis na tera di Ejitu, N na leba elis pa un tera ku N ranjaba pa elis, tera riku ku ta pruduzi ciu, mas bonitu di ki tudu teras.

Numerus 14:16

‘SIÑOR ka pudiba leba ki pobu pa tera ki jurmentaba kuma i na da elis; e ku manda i mata elis na lala.’

Numerus 14:30

N yalsa mon pa jurmenta kuma N na pui bos pa bo mora na ki tera, ma bo ka na yentra la, si i ka Kaleb, fiju di Jefoné, ku Josué, fiju di Nun.

Ripitison di Lei 1:35

“Nin un omi de manjuandadi malvadu ka na oja ki bon tera ku N jurmenta da bo papes;

Ripitison di Lei 1:8

Ali N pui e tera bo dianti; bo yentra bo tomal. I tera ku SIÑOR jurmenta pa da bo papes Abraon, Isak ku Jakó pa i sedu di selis ku se jorson dipus delis.”

Ripitison di Lei 6:10

Suma ku SIÑOR bu Deus jurmenta pa bu papes, Abraon, Isak ku Jakó, i na yentrandau na un tera ku tene garandi prasas riku ku bu ka kumpu,

Ripitison di Lei 6:18

Fasi kil ki retu i bon dianti di SIÑOR, pa kusas pudi kuriu diritu, pa bu yentra, bu toma ki bon tera ku SIÑOR fala bu papes ku juramentu kuma i na da elis,

Ripitison di Lei 6:23

I tiranu di la pa tisinu li, pa danu tera ki fala no papes ku juramentu kuma i na da elis.

Ripitison di Lei 7:13

I na amau, i bensuau, i aumenta bu numeru, i pui pa bu padi ciu. I na bensua prudutu di bu con, bu trigu, biñu nobu, azeiti, ku bu kriason di baka, karnel ku kabra, na tera ki jurmenta pa bu papes kuma i na dau.

Ripitison di Lei 8:1

Bo pui sintidu pa obdisi tudu mandamentus ku N na da bos aos, pa bo pudi vivi, bo aumenta na numeru, bo yentra pa toma tera ku SIÑOR fala bo papes ku juramentu kuma i na da elis.

Josué 1:6

“Sedu forti, bu ten koraẑen, pabia abo ku na fasi e pobu pa e toma tera ku N jurmenta se papes kuma N na da elis.

Josué 21:43

Asin SIÑOR da Israel tudu tera ki jurmentaba da se papes; e toma konta, e mora nel.