Jeremias 32:20 - BIBLIA - traduson antigu in Krioulo

²⁰ Bu fasi sinal ku milagris na tera di Ejitu; bu na fasi elis te aos, na Israel, tambi na metadi di utru jinti. Bu ngaña nomi ku bu tene te gosi.

Jeremias 32:20 ပူးပေါင်းရင်းမြစ်များ

2 Samuel 7:23

Kin ku sedu suma bu pobu, Israel, ki un pobu son ku Deus bai liberta pa e sedu si pobu? Ki kusas garandi, meduñu, ku bu fasi pa elis, e pui pa bu nomi kunsidu na tudu mundu. Bu tira fora utru nasons ku se deusis pa da se tera pa bu pobu ku bu liberta di Ejitu.

1 Kronikas 17:21

Nta i ten algin suma bu pobu Israel? Elis i uniku jinti na mundu ku bu liberta di katiberasku pa e sedu bu pobu. Bu nomi torna kunsidu pabia di kusas garandi i meduñu ku bu fasi. Bu bai dianti di bu pobu ku bu tira di Ejitu, bu serka utru nasons pa bu pobu pudi yentra.

Neemias 9:10

Bu mostra sinal ku milagris pa Faraó, ku si ŝefis ku tudu pobu di si tera, pabia bu nota kuma ke kalka elis. Asin bu ngaña nomi ku bu ten te aos.

Neemias 9:11

Bu rapati mar se dianti pa e pudi pasa na metadi del na con seku, ma kilis ku na serkaba elis, bu bota elis na kau fundu, suma pedra ku kai na mar brabu.

Salmus 135:9

I fasi sinal ku milagris na tera di Ejitu, kontra rei ku tudu si ŝefis.

Saida 10:2

pa bu pudi konta storia pa bu fijus ku netus, aserka di kusas ku N fasi na Ejitu, ku milagris ku N fasi na se metadi, pa bo pudi sibi kuma ami N sedu SIÑOR.”

Saida 3:20

Asin, N na distindi ña mon pa kastiga Ejitu ku tudu milagris ku N na fasi na se metadi. Dipus, i na disa bos bai.

Saida 7:3

Ma N na pui korson di Faraó pa i risu. N na fasi manga di sinal ku milagri na tera di Ejitu,

Saida 9:16

ma N disau inda ku vida pa N pudi mostra ña puder na bo, pa ña fama pudi kontadu na tudu ladu di mundu.

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Isaias 63:14

Suma limarias ku ta ria na kobons, Spiritu di SIÑOR da si pobu diskansu. Asin ki gia elis pa ngaña un nomi gloriosu.

Jeremias 13:11

Suma ku sintu ta maradu na sintura di omi, asin ku N mara tudu pobu di Israel ku Judá pa mi, pa e sedu ña pobu, pa e tisi lovor ku gloria pa ña nomi, ma e ka misti obi.” Asin ku SIÑOR fala.

Daniel 6:28

Tudu kusa kuri diritu ku Daniel na renu di Dariu, ku di Siru di Persia.

Daniel 9:15

“O SIÑOR no Deus, ku tira bu pobu di tera di Ejitu ku mon forti, ku ngaña nomi ku bu tene te aos, na bardadi no peka, no fasi mal.

Atus 7:36

I e Moisés ku tira pobu fora, ku fasi milagris ku sinal na tera di Ejitu, na Mar Burmeju, tambi na lala, pa korenta anu.

Ripitison di Lei 11:3

si milagris ku kusas garandi ki fasi na tera di Ejitu, pa Faraó, rei di Ejitu, ku tudu si tera.

Ripitison di Lei 4:34

O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bos na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

Ripitison di Lei 6:22

Dianti di no uju SIÑOR fasi kusas garandi suma sinal, i fasi milagris meduñu na Ejitu riba di Faraó ku tudu si familia.

Ripitison di Lei 7:19

Bu oja ki garandi kastigu ku bu uju, ku milagris ku kusas garandi ku SIÑOR fasi, manera ki distindi si mon forti i tirau. Asin ku SIÑOR bu Deus na fasi tudu ki rasas ku bu na sinti medu delis.