Jeremias 32:2 - BIBLIA - traduson antigu in Krioulo

² Na ki tempu tropas di rei di Babilonia e taja Jerusalen. Anunsiadur Jeremias staba ficadu na kintal di guarda di kasa di rei di Judá.

Jeremias 32:2 ပူးပေါင်းရင်းမြစ်များ

2 Reis 25:1

Na nonu anu di renansa di Zedekias, na dia 10 di desimu mis, Nabukodonosor, rei di Babilonia, bin kontra Jerusalen ku tudu si tropas, i kampa fora di prasa; e lantanda rampas di kamba na roda.

Neemias 3:25

Palal, fiju di Uzai, kumpu dianti di skina, ku dianti di ki tori ku ta sai na ki kasa di rei mas pa riba, lungu di kintal di kalabus. Dipus del Pedaias, fiju di Parós, kumpu si parti.

Salmus 88:8

Bu tira ña amigus lunju di mi, bu fasin nujenti pa elis. N sta prezu, N ka pudi kapli.

Jeremias 32:3

Zedekias, rei di Judá, i ficalba, i puntal: “Ke ku manda bu ta anunsia de manera? Bu fala kuma SIÑOR fala asin: ‘Ami N na ntrega e prasa na mon di rei di Babilonia, el i na tomal.

Jeremias 32:8

Asin, suma ku SIÑOR fala, Anameel, fiju di ña tiu, i bin pa mi na kintal di guarda, i falan: “Kumpra ña yardansa ku sta na Anatot na tera di Benjamin, pabia abo i parenti mas pertu, bu ten diritu di kumpral. Bu pudi kumpral pa bo.” Asin N ntindi kuma es i seduba palabra di SIÑOR,

Jeremias 33:1

SIÑOR bin papia ku Jeremias sugundu bias, oca ki staba inda ficadu na kintal di guarda, i falal:

Jeremias 34:1

Oca ku Nabukodonosor, rei di Babilonia, ku tudu si tropas, ku omis di tudu renus ku staba bas di si puder, e geria kontra Jerusalen ku tudu prasas, SIÑOR bin papia ku Jeremias, i falal:

Jeremias 36:5

Jeremias fala Baruk: “Ami N tujidu yentra na kasa di SIÑOR.

Jeremias 37:15

Ŝefis paña raiba di Jeremias, e manda sutal, e mitil na kalabus, na kasa di sekretariu Jonatas, pabia e bidanta si kasa kalabus.

Jeremias 37:21

Asin rei Zedekias da ordi pa e pui Jeremias na kintal di guarda. E dal un pon kada dia di rua di paderus, tok pon kaba tudu na prasa. Jeremias fika la na kintal di guarda.

Jeremias 37:4

Jeremias staba libri pa yanda na metadi di pobu, pabia e ka ficalba inda na kalabus.

Jeremias 38:13

E junda Jeremias ku kordas, e tiral na fonti. Jeremias fika na kintal di guarda.

Jeremias 38:6

Asin e toma Jeremias, e botal na fonti di Malkias, fiju di rei, ku staba na kintal di guarda. E rianta Jeremias ku kordas. I ka tenba yagu na fonti, son lama; Jeremias ntola na lama.

Mateus 5:12

Bo kontenti, bo jukuta di alegria, pabia garandi pagamentu na pera bos na seu; asin tambi ku anunsiaduris trataduba antis di bos.