Jeremias 32:19 - BIBLIA - traduson antigu in Krioulo

¹⁹ Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Jeremias 32:19 ပူးပေါင်းရင်းမြစ်များ

1 Reis 8:32

la na seu bu ta obi, bu tarbaja, bu julga bu servus, bu kondena kil ki kulpadu, bu pui mal ki fasi pa i kai riba di si propi kabesa. Justifika kil ku ka ten kulpa, bu tratal suma ki mersi.

2 Kronikas 16:9

pabia uju di SIÑOR ta pasa pa tudu parti di mundu, pa fortifika kilis ku tene korson pirfitu pa el. Bu fasi kusa tulu; disna di gosi gera na ten kontra bo.”

Jo 34:11

I ta paga omi pa tarbaju ki fasi, i ta trata kada kin konformi si manera di yanda.

Jo 34:21

“Si uju sta riba di kamiñu di kada kin, i na jubi tudu se pasus.

Salmus 111:2

Kusas ku SIÑOR fasi i garandi; kilis ku ta kontenti ku elis e ta pensa ciu nelis.

Salmus 34:15

Uju di SIÑOR sta riba di justus; si oreja sta atentu pa obi si e coma.

Salmus 62:12

tambi, bondadi pertensil. Abo, SIÑOR, bu na bin paga kada kin konformi kil ki fasi.

Salmus 92:6

Brutu ka ta sibi e kusa; tulu ka ta ntindil,

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Ditus 5:21

SIÑOR ta oja tudu ku omi na fasi, i ta jubi pa tudu si kamiñus.

Ditus 8:14

Konsiju ku jiresa i di mi; N ten ntindimentu ku forsa.

Eklesiastis 12:14

Deus na bin julga tudu kusa ku fasidu, si i bon o i mau, mesmu kil ku fasidu sukundidu.

Isaias 28:29

Es i bin di SIÑOR ku ten tudu puder, ku ta fasi planus maravilyosu ku kusas garandi.

Isaias 40:13

Kin ku ciga di gia Spiritu di SIÑOR, o kal konsijadur ku ciga di nsinal?

Isaias 59:18

Konformi kusas ke fasi, asin ki na paga ku raiba kilis ku sta kontra el, i na vinga si inimigus. I na paga jinti di jius ke ke mersi.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 16:17

Ña uju sta riba di tudu se kamiñus. Ningin ka pudi sukundi di mi, nin pa kubri si pekadu pa N ka ojal.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Jeremias 21:14

N na kastiga bos konformi kusas ku bo ta fasi. N na sindi fugu na bo matu ku na kaba ku tudu ku sta na si roda. Asin ku ami, SIÑOR, N fala.’ ”

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Jeremias 25:14

Elis tambi e na sedu katibu di manga di nason ku garandi reis; asin N na torna elis konformi kil ke fasi ku se mon.”

Daniel 2:45

Es i signifikadu di ki pedra ku bu oja, kortadu na monti sin ajuda di mon, ku bin kebra-kebra feru, kobri, lama, prata ku uru. “Deus garandi i fasi rei sibi ke ku na bin sedu dipus. Suñu i sertu; si splikason ka na maina.”

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Zakarias 9:1

Es i palabra di kondenason ku SIÑOR papia kontra tera di Adrak, ku prasa di Damasku, pabia uju di tudu jinti, ku tudu jorsons di Israel, sta na SIÑOR.

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Bon Noba di Jesus Kristu ku Jon 5:29

Kilis ku fasi ben e na lanta pa vida; kilis ku fasi mal e na lanta pa kondenason.

2 Koríntius 5:10

pabia anos tudu no ten ku parsi dianti di tribunal di Kristu, pa kada kin risibi konformi i fasi na kurpu, ben o mal.

Efésius 1:11

Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.

Apokalipsi 22:12

Jesus fala: “Bo jubi, N ka na tarda pa bin. N na tene ña pagamentu pa N da kada kin konformi si tarbaju.