Jeremias 31:9 - BIBLIA - traduson antigu in Krioulo

⁹ Ora ke na bin, e na ba ta cora; ora ku N na tisi elis, e na ba ta ora. N na gia elis lungu di riusiñus di yagu, na bon kamiñu ku ka na pui algin pa i kai, pabia N sedu pape pa Israel; Efrain i ña purmeru fiju.

Jeremias 31:9 ပူးပေါင်းရင်းမြစ်များ

1 Kronikas 29:10

Davi ngaba SIÑOR dianti di tudu juntamentu, i fala: “O SIÑOR, Deus di no pape Israel, bu ta ngabadu, antis di kumsada, pa sempri.

Salmus 107:7

I leba elis pa kamiñu filadu, ku ta bai pa prasa nunde ke pudi mora nel.

Salmus 23:2

I ta pun pa N dita na paja verdi; i ta gian pa yagu susegadu.

Salmus 89:27

N na dal lugar di purmeru fiju, N na pul mas altu di ki tudu reis di mundu.

Saida 4:22

Bu na konta Faraó kuma SIÑOR fala: ‘Israel i ña purmeru fiju.

Isaias 42:16

N na gia segus na kamiñu ke ka kunsi nunka, N na pui elis pa e yanda na kamiñu ku ka kunsidu. N na bidanta sukuru lus se dianti; N na filanta kusas tortu. N na fasi elis e kusas, N ka na bandona elis mas.

Isaias 43:20

Limarias di matu, kacur brabu ku avestruz, e na ngaban, pabia N pui yagu na lala, ku rius na kau seku, pa pudi da di bibi pa ña pobu ku N kuji,

Isaias 45:11

Asin ku SIÑOR, Deus Santu di Israel, kil ku kumpul, fala: “Nta bo na osa puntan kusas di futuru, o aserka di ña fijus? O bo na dan ordi aserka di ña tarbajus?

Isaias 57:14

Algin na fala: “Bo kumpu, bo kumpu, bo purpara kamiñu! Bo tira kualker kusa ku pudi pui ña pobu pa e da tapada.”

Isaias 63:13

I gia elis pa e pasa na ki kau fundu; suma kabalu na lala, e ka da tapada.

Isaias 63:16

Ma abo i no Pape, mesmu ku Abraon ku Israel ka kunsinu. Abo, SIÑOR, i no Pape; bu nomi i no Libertadur disna di tempu antigu.

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Jeremias 3:19

Ami N fala: “N misti teneu suma ña fiju, N dau tera bonitu, yardansa mas bon di ki utru nasons. N pensa: E na coman Pape, e ka na disvia mas di mi.

Jeremias 3:4

“Gosi bu coman, bu fala: ‘Ña pape, bu sedu ña amigu disna di ña mininesa.

Jeremias 31:20

“Nta Efrain i ka ña fiju amadu? I ka ña fiju ku N gosta ciu del? Manga di bias N papia kontra el, ma N lembra del ku amor. Ña korson ta sinti ciu pa el; N ta sinti amor pa el.” Asin ku SIÑOR fala.

Jeremias 50:4

“Ami, SIÑOR, N fala kuma, na ki tempu, fijus di Israel ku Judá na bin juntu, e na yanda e na cora pa buska SIÑOR se Deus.

Oseias 12:4

I luta ku anju, i ngañal; i cora, i pidil pa i bensual. Deus ojal na Betel, i papia ku el,

Oseias 3:5

Dipus fijus di Israel na buska SIÑOR se Deus, ku Davi, se rei. Na ultimu dias e na ten medu di SIÑOR, e bin buska si bondadi.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Malakias 2:10

Nta anos tudu no ka tene mesmu Pape? I ka un Deus ku kumpunu? Kuma ku no na sedu infiel pa ŋutru, no kontamina kontratu di no papes?

Numerus 2:18

“Na ladu di kaida di sol kilis ku sta bas di bandera di kompañia di Efrain e na kampa konformi se jorsons, ku se ŝefis, de manera: Di Efrain, ŝef Elisama, fiju di Amijud 40.500 di Manasés, ŝef Gamaliel, fiju di Pedazur 32.200 di Benjamin, ŝef Abidan, fiju di Jideoni 35.400 Total 108.100 Kompañia di Efrain na marŝa na terseru lugar.

Mateus 3:3

I di Jon ku anunsiadur Isaias falaba asin: “Algin na grita na lala, i na fala: ‘Bo kumpu kamiñu di Siñor; bo filantal strada.’ ”

Mateus 5:4

“Sortiadu i kilis ku na cora, pabia Deus na bin konsola elis.

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Lukas 6:21

“Abos ku tene fomi gosi, bo sortiadu, pabia bo na fartandadu. “Abos ku na cora gosi, bo sortiadu, pabia bo na bin ri.

Romanus 8:26

Di mesmu manera tambi Spiritu ta judanu na no frakesa, pabia no ka sibi manera diritu di pidi, ma Spiritu propi i ta pidi Deus pa nos ku jimidu ku ka pudi kontadu ku palabras.

2 Koríntius 6:18

N ta sedu bo pape; bo ta sedu ña fijus macu ku femia. Asin ku Siñor ku ten tudu puder fala.”

Ripitison di Lei 14:1

Bo sedu fijus di SIÑOR bo Deus. Ka bo laña bo kurpu, nin ka bo rapa kabelu na parti di frenti di bo kabesa pabia di algin ku muri.

Ripitison di Lei 32:6

O pobu tulu, sin jiresa, asin ku bu ta paga SIÑOR? Nta el i ka bu Pape ku kumprau, i kumpou, i firmantau?

Ebreus 12:13

Bo kumpu kamiñu diritu pa bo yanda nel, pa pe manku ka kabanta mankusi, ma pa i kuradu.

Ebreus 12:23

ku sta na juntamentu alegri; pa igreẑa di purmeru fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.

Apokalipsi 7:17

pabia Karnel ku sta na tronu i na sedu se bakiadur; i na leba elis pa fontis di yagu ku ta da vida. Deus na limpa larma tudu na se uju.”