Jeremias 31:5 - BIBLIA - traduson antigu in Krioulo

⁵ Bu na torna paranta ortas di uva na montis di Samaria; parantaduris na paranta elis, e na kume se fruta.

Jeremias 31:5 ပူးပေါင်းရင်းမြစ်များ

Salmus 107:37

E sumia se lugaris, e paranta ortas di uva; e bin oja manga di kebur.

Jeremias 32:15

SIÑOR ku ten tudu puder, Deus di Israel, i fala kuma kasas, lugaris ku ortas di uva, e na bin kumpradu ne tera.”

Ezekiel 28:26

E na sinta la suguru, e na kumpu kasas, e na paranta pes di uva. Ora ku N julga ku kastigu tudu se visiñus ku ta njuti elis, e na mora suguru. E na sibi kuma N sedu SIÑOR se Deus.”

Ezekiel 36:8

“‘Ma abos, montis di Israel, bo ramus na kirsi, bo na padi fruta pa ña pobu Israel, pabia e sta pa bin.

Amos 9:14

N na ribanta ña pobu Israel di katiberasku. E na torna kumpu prasas ku danadu, e na mora nelis; e na paranta ortas di uva, e bibi se biñu; e na fasi ortas, e kume se fruta.

Obadias 1:19

“Jinti di sul di Judá na bai mora na montaña di Esaú; jinti di kau rasu na mora na tera di filisteus. Israelitas na mora tambi na tera di Efrain ku Samaria; Benjamin na toma Jilead.

Mikeias 1:6

SIÑOR fala: “Pabia di kila, N na fasi Samaria un monton di pedra, un kau pa paranta ortas di uva. N na rianta si pedras na kobon, N diskubri si alisersus.

Mikeias 4:4

Kada un na sinta bas di si pe di uva, o bas di si figera; i ka na ten kin ku na pantanda elis, pabia i SIÑOR ku ten tudu puder ku fala.

Zakarias 3:10

SIÑOR ku ten tudu puder torna fala: “Na ki dia, kada un di bos na kumbida si kumpañer pa i sinta bas di si pe di uva ku pe di figu.”

Ripitison di Lei 20:6

O i ten tambi omi li ku paranta orta di uva, ku ka kume inda si fruta? Minjor i riba pa kasa, pa ka i bin bai muri na gera; utru algin ta fika i kumel.

Ripitison di Lei 28:30

Bu na tene kumprumis pa kasa ku minjer, ma utru omi na dita ku el; bu na kumpu kasa ma bu ka na mora nel; bu na paranta orta di uva, ma bu ka na kume si fruta.

1 Samuel 21:5

Davi ruspundi i fala saserdoti: “Sin, na bardadi no tujidu minjeris ne dias, suma sempri ora ku N na sai; kurpus di omis ta fika puru nin ku no na sai pa kualker sirvis, ku fadi ne sirvis di aos.”