Jeremias 31:35 - BIBLIA - traduson antigu in Krioulo

³⁵ Es i palabra di SIÑOR ku ta da sol pa i numia di dia, i ta da ordi pa lua ku strelas pa e da lus di noti. I ta lantanda mar, i pui maron pa i somna. Si nomi i SIÑOR ku ten tudu puder.

Jeremias 31:35 ပူးပေါင်းရင်းမြစ်များ

Jo 26:12

Ku si forsa i yabri mar; ku si ntindimentu i bati serpenti Raab.

Jo 38:33

Bu kunsi leis di seu? Bu pudi pui na ordi si puder riba di tera?

Salmus 106:9

I da ordi pa Mar Burmeju; kila seku. I pui elis pasa na metadi di mar suma e staba na con seku.

Salmus 119:89

O SIÑOR, bu palabra sta firmadu na seu pa sempri.

Salmus 119:91

Tudu manti te aos konformi ordis ku bu da, pabia tudu kusas ta obdisiu.

Salmus 148:6

I firmanta elis pa tudu sempri, i da elis un lei ku ka na pasa.

Salmus 72:17

Si nomi pa i kontinua pa sempri; pa i pasantadu di papes pa fijus nkuantu sol na yardi. Jinti na bensuadu pabia del; tudu nasons na comal sortiadu.

Salmus 72:5

Jinti na rispitau nkuantu sol ku lua ten, pa tudu tempu ku na bin.

Salmus 74:13

Abo, ku bu forsa, bu dividi mar; bu kebra kabesas di serpentis di yagu.

Salmus 74:16

Di dia ku di noti i di bo; bu pui lua ku sol na se lugar.

Salmus 78:13

I dividi yagu di mar, i pui elis pasa; i pui yagu firma suma mura.

Salmus 89:2

N na diklara kuma bu bondadi na dura pa sempri, kuma bu bardadi sta firmi suma seu.

Isaias 48:2

Bo ta toma nomi di prasa sagradu, bo firma tesu riba di Deus di Israel ku tene nomi di SIÑOR ku ten tudu puder.

Isaias 51:15

Pabia ami i SIÑOR bu Deus ku ta suta yagu di mar pa maron pudi lanta i somna. SIÑOR ku ten tudu puder i ña nomi.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Isaias 63:12

El i pui si forsa gloriosu pa i marŝa na mon direita di Moisés, i findi yagu se dianti pa pudi ngaña pa si kabesa un fama ku ka ta kaba.

Jeremias 10:16

Deus di Jakó ka sta suma elis, pabia el i Kumpudur di tudu kusa. Israel sedu jorson di si yardansa. Si nomi i SIÑOR ku ten tudu puder.

Jeremias 32:18

Bu ta fasi bondadi pa milyaris di jinti, ma bu ta pui maldadi di papes pa i kai riba di fijus. Abo i Deus garandi, puderosu, ku ten nomi di SIÑOR ku ten tudu puder.

Jeremias 33:20

“Ami, SIÑOR, N fala kuma, si bo pudi kebra ña kontratu ku sol ku ña kontratu ku sukuru, di manera ku di dia ku di noti ka ta bin na se tempu sertu,

Jeremias 33:25

Asin ku ami, SIÑOR, N fala: Si ña kontratu ku sol ku sukuru i ka firma pa sempri, si N ka pui leis fiksu ku ta kontrola seu ku tera,

Jeremias 33:26

nta N pudi nega jorson di Jakó ku di ña servu Davi, pa ka kuji algin na se jorson pa i manda riba di jorson di Abraon, Isak ku Jakó, ma N na tira elis na katiberasku, N mostra amor pa elis.”

Jeremias 46:18

Ami, Rei ku tene nomi di SIÑOR ku ten tudu puder, N jurmenta pa ña vida kuma, suma Tabor i mas altu di ki utru montis, suma Karmelu i ta firma altu, lungu di mar, asin ku na sedu forsa di ki algin ku na bin.

Jeremias 5:22

SIÑOR punta: “Bo ka ten medu di mi? Bo ka ta tirmi ña dianti? I ami ku pui reia pa i sedu frontera ku mar, un barera pa sempri ku mar ka pudi pasa. Maron pudi lanta ma i ka pudi kamba riba del. Nin si i somna, i ka pudi pasa frontera.

Jeremias 50:34

Ma se Libertadur i forti; SIÑOR ku ten tudu puder i si nomi. Na bardadi i na difindi pa elis, pa tisi diskansu pa mundu, ma kunfuson pa jinti ku mora na Babilonia.”

Jeremias 51:19

Deus di Jakó i ka sta suma elis, pabia el i Kumpudur di tudu kusa. Israel sedu jorson di si yardansa. Si nomi i SIÑOR ku ten tudu puder.

Oseias 13:14

“N na liberta elis di puder di mundu di mortus; N na libra elis di mortu. Mortu, nunde ku bu kastigu sta? Mundu di mortus, nunde bu pirdison? “N ka na muda ña ideia pa N sinti pena.

Amos 9:8

Sin duvida, ujus di SIÑOR Deus sta riba de renu ku inci ku pekadu. N na kaba ku el na tera, ma N ka na kaba ku tudu jorson di Jakó.” Asin ku SIÑOR fala.

Mateus 5:45

pa bo pudi sedu fijus di bo Pape ku sta na seu, pabia i ta fasi pa si sol sai pa jinti mau ku jinti bon; si cuba ta kai riba di jinti justu ku injustu.

Ripitison di Lei 4:19

Si bo yalsa uju pa seu, bo oja sol ku lua ku strelas, tudu e kusas ku ta ojadu la, ka bo nganadu pa mpina se dianti, pa adora ki kusas ku SIÑOR bo Deus rapati pa tudu parti di mundu pa tudu rasas.