Jeremias 31:33 - BIBLIA - traduson antigu in Krioulo

³³ “Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Jeremias 31:33 ပူးပေါင်းရင်းမြစ်များ

2 Samuel 7:24

Bu konfirma bu pobu Israel pa e sedu bu pobu pa sempri; abo, SIÑOR, bu bin sedu se Deus.

1 Reis 8:58

I ta pui no korson pa i sta pruntu pa yanda na tudu si kamiñus, pa obdisi si mandamentus ku si leis ku ordis ki da no papes.

Salmus 37:31

Lei di si Deus sta na si korson; si pe ka na lalu.

Salmus 40:8

Ña Deus, N kontenti pa fasi bu vontadi; bu lei sta dentru di ña korson.”

Salmus 40:9

N konta kil ki sertu na juntamentu garandi; N ka kala ku ña palabra; SIÑOR, bu sibi kila.

Saida 6:7

N na bin toma bos pa bo sedu ña pobu, N na sedu bo Deus. Bo na sibi kuma ami i SIÑOR bo Deus ku na kaplinti bos di ki tarbaju duru na mon di ejipsius.

Ditus 7:3

Maral na bu dedus, bu skirbil na tagua di bu korson.

Isaias 51:7

“Bo sukutan, abos ku ta rapara bon kusas, ku tene ña lei na bo korson. Ka bo medi trosa ku omis ta fasi bos, nin ka bo ŝatia si e koba bos,

Isaias 59:21

SIÑOR fala mas: “Ami, es i ña kontratu ku elis: Ña Spiritu ku N pui riba di bo, ku ña palabras ku N dau pa bu papia, e ka na disvia di bu boka, nin di boka di bu fijus, nin di boka di fijus di bu fijus, disna di gosi pa tudu tempu.” Asin ku SIÑOR fala.

Jeremias 17:1

Deus fala: “Pekadu di Judá sta skritu ku un ponteru di feru ku ponta gudu, gravadu na tagua di se korson, tambi na pontas di se altaris.

Jeremias 24:7

N na da elis korson pa e kunsin, e sibi kuma ami i SIÑOR; e na sedu ña pobu; ami N na sedu se Deus, pabia e na riba pa mi ku tudu se korson.

Jeremias 30:22

“Asin bo na sedu ña pobu; N na sedu bo Deus.”

Jeremias 31:1

SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Jeremias 32:38

E na sedu ña pobu; ami N na sedu se Deus.

Jeremias 32:39

N na da elis un korson son, ku un manera son di yanda, pa e pudi rispitan tudu dia, pa ben delis ku se fijus.

Jeremias 32:40

N na fasi ku elis un kontratu ku ka na kaba, ku na pun pa N ka para fasi elis ben. N na pui elis pa e rispitan ku tudu se korson, pa nunka mas e ka bai lunju di mi.

Ezekiel 37:27

Ña kau di mora na sta ku elis; N na sedu se Deus, e na sedu ña pobu.

Oseias 2:20

N na guarda ña purmesa pa bo pa bu sedu di mi; bu na rikuñisin suma SIÑOR.

Sofonias 3:13

Kilis ku sobra di pobu di Israel e ka na fasi mal, nin e ka na konta mintida; nganu ka na ojadu na se boka. E na tene kusa di kume, e na dita; ningin ka na pantanda elis.”

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Bon Noba di Jesus Kristu ku Jon 20:17

Jesus falal: “Ka bu pegan, pabia N ka subi inda pa ña Pape, ma bai pa ña ermons, bu fala elis kuma N na subi pa ña Pape ki bo Pape, ña Deus ki bo Deus.”

Romanus 11:27

Es i ta sedu ña kontratu ku elis ora ku N tira se pekadu.”

Romanus 7:22

Dentru di mi N gosta di lei di Deus,

2 Koríntius 3:3

I pudi ojadu kuma abos i un karta ku Kristu skirbi, i manda pa no mon pa no ntrega. I ka skirbidu ku tinta, ma ku Spiritu di Deus bibu. I ka na tagua di pedra ma na karni di korson.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

1 Tesalonisensis 4:9

I ka pirsis pa N skirbi bos di amor entri bos ermons, pabia Deus nsina bos kuma ku bo dibi di ama ŋutru.

Ebreus 10:16

“Siñor fala: ‘Es i kontratu ku N na fasi ku elis dipus di ki dias: N na pui ña leis na se korson; N na skirbi elis na se ntindimentu.’ ”

Ebreus 8:10

I torna fala mas: “Kontratu ku N na fasi ku pobu di Israel dipus di ki dias i es: N na pui ña leis na se ntindimentu; N na skirbi elis na se korson; N na sedu se Deus; elis e na sedu ña pobu.

Apokalipsi 21:3

N obi un garandi vos ku sai na tronu, ku na fala: “Gosi ja Deus ten si morada na metadi di jinti. I na mora ku elis, e na sedu si pobu. Deus propi na sta ku elis, i na sedu se Deus.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.