Jeremias 31:32 - BIBLIA - traduson antigu in Krioulo

³² I ka na sedu suma kontratu ku N fasi ku se papes na dia ku N pega elis ku ña mon, N tira elis na tera di Ejitu, pabia e kebra ki kontratu, kontudu N kasaba ku elis.” Asin ku SIÑOR fala.

Jeremias 31:32 ပူးပေါင်းရင်းမြစ်များ

1 Reis 8:9

Nada ka staba dentru di arka, si i ka son ki dus tagua di pedra ku Moisés pui la oca ku SIÑOR fasi kontratu ku fijus di Israel na Oreb, kontra e na bin di tera di Ejitu.

Salmus 73:23

Ma N sta sempri ku bo, bu pegan na mon direita.

Salmus 78:37

pabia se korson ka seduba retu pa el, nin e ka seduba fiel pa si kontratu.

Saida 19:5

Gosi, si bo obdisin, bo guarda ña kontratu, N na kuji bos na metadi di utru rasas pa bo sedu ña pobu ku N da garandi balur. Tudu mundu i di mi,

Saida 32:8

E janti pa disvia kinti-kinti di kamiñu ku N manda elis pa e sigi; e ribi uru, e kumpu turu, e mpina pa el, e fasi sakrifisiu pa el, e fala: ‘O Israel! Es i bu deus ku tirau di tera di Ejitu.’ ”

Kantiga di Salomon 8:5

Es i kin ku na bin di lala, kontenti, ngostadu na kil ki ama? Bas di pe di mangu ku N kordau; la ku bu mame staba ku dur di partu, tok i padiu.

Isaias 24:5

Na bardadi tera sta kontaminadu pabia di si moraduris, pabia e kebra leis, e ka obdisi mandamentus, e kebra kontratu ku ka ta kaba.

Isaias 41:13

Ami, SIÑOR bu Deus, N pegau na bu mon direita, N falau: Ka bu medi, pabia N na judau.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Jeremias 11:3

bu fala elis kuma SIÑOR, Deus di Israel, i fala: ‘Omi ku ka obdisi palabra de kontratu i na maldisuadu.

Jeremias 11:4

N da e palabra pa bo papes na dia ku N tira elis di tera di Ejitu, di furnu di kastigu, N fala elis: Bo para sintidu pa ña palabra, bo fasi konformi tudu ku N manda bos. Bo ta sedu ña pobu; N ta sedu bo Deus.

Jeremias 2:2

pa N bai, N anunsia pa jinti di Jerusalen, N fala elis kuma SIÑOR fala: “N lembra di bo ocau nobu, manera ku bu seduba fiel. Bu amanba oca bu seduba noiva; bu yanda ku mi na lala, na con ku ka sumiadu.

Jeremias 22:9

Utru na ruspundi: ‘I pabia e bandona kontratu di SIÑOR se Deus, e bai mpina dianti di utru deusis, e sirbi elis.’ ”

Jeremias 3:14

SIÑOR fala: “Jinti infiel, bo ripindi, pabia N sedu bo maridu. N na toma un di bos na kada prasa, dus na kada familia, N na leba bos pa Sion.

Jeremias 31:1

SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Jeremias 34:13

“Asin ku ami, SIÑOR Deus di Israel, N fala: N fasi kontratu ku bo papes oca ku N tira elis di katiberasku na tera di Ejitu, N fala elis:

Jeremias 34:14

‘Kada seti anu kada un di bos ten ku larga si ermon israelita ku bindi si kurpu pa i sedu bu katibu. Si i tarbaja pa bo seis anu, bu ten ku largal.’ Ma bo papes ka obdisin, nin e ka para sintidu.

Ezekiel 16:8

“‘N torna pasa lungu di bo, N ojau, N nota kuma bu staba ja maduru pa amor. N distindi ponta di ña manta riba di bo, N kubriu kurpu. N jurmenta pa bo, N fasi kontratu ku bo; bu pasa sedu di mi. Asin ku SIÑOR Deus fala.

Ezekiel 20:37

N na pui bos pasa bas di ña manduku, N pui pa bo yentra na ligason di kontratu.

Ezekiel 23:4

Mas garandi, ku sedu Samaria, i comadu Aolá; mas pikininu, ku sedu Jerusalen, i comadu Aolibá. E seduba di mi, e padi fijus macu ku femia.

Oseias 11:1

SIÑOR fala: “Oca ku Israel seduba mininu, N amal; N coma ña fiju na Ejitu.

Oseias 2:2

Bo pidi bo mame; el i ka sedu ja ña minjer, nin ami N ka sedu si omi, ma bo pidil pa i lunjusi si mau vida di si rostu, i tira si amantis na metadi di si pitu.

Oseias 3:1

SIÑOR falan: “Bai utru bias, bu mostra amor pa bu minjer, ku utru algin kiri, i dita ku el. Amal suma ku SIÑOR ama fijus di Israel, kontudu e disvia, e bai pa utru deusis, e gosta di mundus di uva seku ke ta kumpu pa idulus.”

Sirmonias 26:15

si bo nega ña regras, bo nfastia ña leis, bo ka kumpri ña mandamentus, tok bo pui ña kontratu fika sin balur,

Markus 8:23

Jesus pega segu na mon, i lebal pa fora di tabanka. Dipus i kuspil na ujus, i pui mon riba del, i puntal: “Bu na oja kualker kusa?”

Bon Noba di Jesus Kristu ku Jon 3:29

Kil ku tene noiva i noivu, ma amigu di noivu ku sta ku el, i ta obil, i ta kontenti ku vos di noivu. De manera ña alegria sta ja kompletu.

Atus 23:19

Kumandanti pegal na mon, i lebal pa un kantu, i puntal: “Ke ku bu tene pa kontan?”

2 Koríntius 11:2

N ten siumi di bos suma Deus ten propi, pabia N purpara bos pa pursenta bos suma virẑen puru pa un maridu son, ki Kristu.

Ripitison di Lei 1:31

Na lala tambi bo oja kuma ku SIÑOR bo Deus leba bos na tudu kamiñu ku bo yanda, tok i ciganta bos ne kau li, suma ku un omi ta leba si fiju.”

Ripitison di Lei 29:1

Es i palabra di kontratu ku SIÑOR manda Moisés fasi ku fijus di Israel, na tera di Moab, fora di ki kontratu ki fasiba ku elis na Oreb.

Ripitison di Lei 29:21

SIÑOR na separa ki omi di tudu jorsons di Israel pa mal kai riba del, konformi tudu maldison di kontratu ku sta skritu ne libru di lei.

Ripitison di Lei 29:24

Tudu nasons na punta: “Pabia di ke ku SIÑOR fasi asin ku e tera? Ke ku manda i ten e garandi raiba ku na yardi asin?”

Ripitison di Lei 31:16

SIÑOR fala Moisés: “Bu na bai diskansa ku bu papes; e pobu e na sedu infiel pa mi; e na lanta e bai tras di deusis di ki rasas di tera ke na bai na se metadi; e na disan, e kebra ña kontratu ku N fasi ku elis.

Ripitison di Lei 31:20

Ami N na yentranda elis na tera ku N purmiti se papes ku juramentu, ki tera riku ku ta pruduzi ciu; e na bin kume, e farta, e taka. Dipus e na negan, e kebra ña kontratu, e bai tras di utru deusis pa sirbi elis.

Ripitison di Lei 5:2

SIÑOR no Deus fasi un kontratu ku nos na Oreb.

Ripitison di Lei 5:3

I ka ku no papes ku SIÑOR fasi ki kontratu, ma i ku nos ki fasil, anos tudu ku sta li ku vida aos.

Ebreus 8:9

I ka na sedu suma kontratu ki fasi ku se papes antigu na dia ki pega elis na mon pa tira elis na tera di Ejitu. Suma ke ka sedu fiel pa ki si kontratu, i ka na liga mas ku elis. Asin ku Siñor fala.”