Jeremias 31:30 - BIBLIA - traduson antigu in Krioulo

³⁰ Ma kada kin na muri pabia di si propi pekadu; kada algin ku kume uva verdi, si propi dintis ku na kaiambra.”

Jeremias 31:30 ပူးပေါင်းရင်းမြစ်များ

2 Reis 14:6

ma i ka mata fijus di mataduris, suma ki sta skritu na libru di lei di Moisés, nunde ku SIÑOR da ordi, i fala: “Ka bo mata papes pabia di fijus, nin ka bo mata fijus pabia di se papes, ma kada kin na matadu pabia di si propi pekadu.”

Jo 21:20

Si propi uju dibi di oja si kastigu; i dibi di bibi raiba di Deus ku ten tudu puder.

Isaias 3:11

Ai di omi mau! Kusas na kuril mal, pabia i na dadu pagamentu di kusas ki fasi ku si mon propi.

Ezekiel 18:20

Algin ku peka, i el ku na muri. Fiju ka na leba kulpa di si pape, nin pape ka na leba kulpa di si fiju. Bondadi di omi bon na fika pa el; maldadi di omi mau na kai riba del.

Ezekiel 18:4

Vida di tudu jinti i di mi; vida di pape suma di fiju, tudu i di mi. Algin ku peka, el propi ku na muri.

Ezekiel 3:24

Spiritu yentra na mi, i lantandan pa N firma; i papia ku mi, i falan: “Fiju di omi, yentra na bu kasa, bu fica porta,

Ezekiel 33:13

Si N fala un omi bon kuma i na tene vida, ma el i fiansa na si bondadi, i bai fasi pekadu, tudu ki kusas bon ki fasi ka na lembradu, ma i na muri na ki pekadu ki na fasi.

Ezekiel 33:18

Si un omi bon disvia di si bondadi, i fasi mal, i na muri nel,

Ezekiel 33:8

Si N fala un omi mau kuma i na muri, abo bu ka avisal pa i muda di si mau kamiñu, ki omi mau na muri na si pekadu, ma N na pidiu konta di si mortu.

Gálatas 6:5

pabia kada kin ten ku karga si propi kargu.

Ripitison di Lei 24:16

Papes ka na matadu pabia di krimis di se fijus, nin fijus ka na matadu pa krimis di se papes; kada kin i na matadu pabia di si propi pekadu.

Tiagu 1:15

Ora ku ki diseẑu mau preña, i ta padi pekadu. Ora ku pekadu kirsi, i ta padi mortu.