Jeremias 31:2 - BIBLIA - traduson antigu in Krioulo

² Asin ku SIÑOR fala: “Jinti ku kapli di spada e oja fabur na lala. N na bin da Israel diskansu.”

Jeremias 31:2 ပူးပေါင်းရင်းမြစ်များ

Salmus 78:52

I pui si pobu pa e sai, i gia elis, suma koral di karnel, pa e pasa na lala.

Salmus 95:11

Asin N jurmenta na ña raiba kuma e ka na yentra na ña lugar di diskansu.”

Saida 1:16

i fala elis: “Ora ku bo na juda na partu di minjeris ebreu, si mininu i macu, bo ta matal; ma si i sedu femia, ka bo matal.”

Saida 1:22

Dipus Faraó da ordi pa tudu si pobu, i fala: “Tudu rapas ku padidu, bo botal na riu, ma si i femia, bo ta disal ku vida.”

Saida 12:37

Fijus di Israel kumsa yanda ku pe, di Ramasés te na Sukot. E seduba serka di seizentus mil omi, fora di minjeris ku mininus.

Saida 2:23

Oca ki pasa manga di tempu, rei di Ejitu bin muri. Fijus di Israel fika e na jimi bas di katiberasku, e na grita pa ajuda pabia di se kastigu. Se gritu ciga dianti di Deus.

Saida 33:14

SIÑOR falal: “Ami propi N na bai ku bo, pa bu pudi fika diskansadu.”

Saida 5:21

E fala elis: “SIÑOR na jubi pa bos, i na julga bos, pabia bo pui no na cera mal dianti di Faraó ku si ŝefis. Bo da elis spada na mon pa matanu.”

Jeremias 2:2

pa N bai, N anunsia pa jinti di Jerusalen, N fala elis kuma SIÑOR fala: “N lembra di bo ocau nobu, manera ku bu seduba fiel. Bu amanba oca bu seduba noiva; bu yanda ku mi na lala, na con ku ka sumiadu.

Ezekiel 20:35

N na leba bos pa “lala di nasons;” la ku N na julga bos, uju ku uju.

Oseias 11:4

N junda elis ku kordas di bondadi, ku lasu di amor. Ami ku tira korenti riba delis; N mpina pa da elis di kume.

Numerus 10:33

Asin e sai di monti di SIÑOR, e yanda tris dia. Tudu ki tempu arka di kontratu di SIÑOR staba se dianti pa buska elis lugar di diskansu.

Numerus 14:20

SIÑOR falal: “N purda elis, suma ku bu pidi,

Mateus 11:28

Bo bin pa mi, abos tudu ku kansa ku kargu pisadu; N na diskansa bos.

Ripitison di Lei 1:30

SIÑOR bo Deus ku ta bai bo dianti, el ku na geria pa bos, suma ki fasi pa bos na Ejitu, dianti di bo uju.

Ripitison di Lei 1:33

kil ku bai bo dianti na tudu e kamiñu, na fugu di noti, na nuven di dia, pa buska kau nunde ku bo dibi di pui kampamentu nel, pa mostra bos kamiñu ku bo dibi di yanda.

Ripitison di Lei 12:9

pabia te gosi bo ka yentra na diskansu nin na yardansa ku SIÑOR bo Deus na da bos.

Ripitison di Lei 2:7

SIÑOR bu Deus bensuau na tudu tarbaju ku bu fasi, i toma konta di bo na bu bias na lala garandi. Duranti tudu e korenta anu SIÑOR bu Deus staba ku bo; nada ka faltau.

Ripitison di Lei 8:16

i dau maná pa bu kume, kusa ku bu papes ka kunsiba. E kusas tudu e fasidu pa pudi baŝau, pa probau, pa kusas pudi kuriu diritu na kabantada.

Josué 1:13

“Bo lembra di ordi ku Moisés, servu di SIÑOR, da bos, kuma SIÑOR bo Deus da bos e tera, i na fasi bos diskansa.