Jeremias 31:11 - BIBLIA - traduson antigu in Krioulo

¹¹ SIÑOR kaplinti Jakó; i libral na mon di kil ku sedu mas forti di ki el.

Jeremias 31:11 ပူးပေါင်းရင်းမြစ်များ

Salmus 142:6

Kudin si N comau, pabia N sta disisperadu; libran di ña pirsigiduris, pabia e sedu mas forti di ki mi.

Saida 15:16

spantu ku medu na kai riba delis. Pabia di forsa di bu mon e na fika ketu suma pedra, te ora ku bu pobu pasa, o SIÑOR, te ora ku pobu ku bu kumpra e kaba pasa.

Isaias 44:23

Abo, seu, kanta ku kontentamentu, pabia SIÑOR fasi e kusas. Abos, partis mas fundu di mundu, bo manifesta! Abos montis, bo kanta altu ku kontentamentu, juntu ku tudu arvuris di matu, pabia SIÑOR liberta Jakó, i mostra si garandesa na Israel.

Isaias 48:20

Bo sai na Babilonia, bo kuri na metadi di jinti di Kaldeia! Bo da noba ku vos di kontentamentu, bo pui pa i obidu. Bo lebal na kantu mas lunju di mundu, bo fala: “SIÑOR liberta si servu Jakó.”

Isaias 49:24

Kil ku tropa furta na gera, algin pudi robal el? O katibu pudi kaplintidu na mon di algin malvadu?

Isaias 49:25

Asin ku SIÑOR fala: “Tropas na robadu katibus, i ka na maina; Kusas ku furtadu na gera e na robadu na mon di malvadu. N na geria ku kilis ku geria ku bo; N na liberta bu fijus.

Isaias 51:11

Kilis ku SIÑOR kaplinti e na riba, e bin pa Sion ku kantigas di vitoria. Alegria ku ka ta kaba na sedu se koroa; e na ten kontentamentu ku alegria; tristesa ku folgu fundu di kansera na kuri delis.

Jeremias 15:21

N na rabatau na mon di jinti mau, N na librau di puder di omis violentu.”

Jeremias 50:33

Asin ku SIÑOR ku ten tudu puder fala: “Fijus di Israel ku Judá kalkadu. Tudu jinti ku leba elis katibu e pega elis, e ka seta larga elis.

Jeremias 50:34

Ma se Libertadur i forti; SIÑOR ku ten tudu puder i si nomi. Na bardadi i na difindi pa elis, pa tisi diskansu pa mundu, ma kunfuson pa jinti ku mora na Babilonia.”

Miskiñu di Jeremias 3:58

Bu difindi ña kasu, SIÑOR, bu salba ña vida.

Oseias 13:14

“N na liberta elis di puder di mundu di mortus; N na libra elis di mortu. Mortu, nunde ku bu kastigu sta? Mundu di mortus, nunde bu pirdison? “N ka na muda ña ideia pa N sinti pena.

Zakarias 9:16

SIÑOR se Deus na salba elis na ki dia, suma koral di si pobu. E na lampra na si tera suma pedras di balur na un koroa.

Mateus 12:29

“Kuma ku algin pudi yentra na kasa di un omi forti pa furta tudu ki tene si i ka maral purmeru? Son ora ki maral ki pudi furta tudu na si kasa.

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Mateus 22:29

Jesus ruspundi elis: “Bo sta nganadu. Bo ka kunsi Skritura nin puder di Deus.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.