Jeremias 31:1 - BIBLIA - traduson antigu in Krioulo

¹ SIÑOR fala: “Na ki tempu N na sedu Deus di tudu jorsons di Israel; elis e na sedu ña pobu.”

Jeremias 31:1 ပူးပေါင်းရင်းမြစ်များ

2 Samuel 7:24

Bu konfirma bu pobu Israel pa e sedu bu pobu pa sempri; abo, SIÑOR, bu bin sedu se Deus.

Salmus 144:15

Sortiadu i ki pobu ku sta asin; sortiadu i ki pobu ku SIÑOR i se Deus.

Salmus 48:14

E Deus i no Deus pa sempri; el i na sedu no gia te na mortu.

Isaias 20:6

Na ki dia, jinti ku mora lungu di mar na fala: ‘Jubi ke ku pasa ku ki jinti ku no na speraba nel, ku no kuri pa e sakuranu, e libranu di rei di Asiria! Kuma ku no na bin kapli?’ ”

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Jeremias 3:18

Na ki dias Israel na yanda ku Judá, e na bin juntu di tera di norti pa tera ku N da bo papes suma yardansa.

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Jeremias 30:22

“Asin bo na sedu ña pobu; N na sedu bo Deus.”

Jeremias 30:24

Raiba garandi di SIÑOR ka na kalma tok i kaba fasi tudu ki tene na si sintidu. Na dias ku na bin bo na bin ntindi e kusa.

Jeremias 30:3

Ami, SIÑOR, N fala kuma, tempu na ciga ku N na tisi ña pobu Israel ku Judá di katiberasku, N na ribanta elis na tera ku N da se papes pa e tenel.” Asin ku SIÑOR fala.

Jeremias 31:33

“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na se korson. N na sedu se Deus; elis e na sedu ña pobu.

Jeremias 32:38

E na sedu ña pobu; ami N na sedu se Deus.

Jeremias 33:14

SIÑOR fala mas: “I na ciga tempu ku N na kumpri bon palabra ku N papia ku pobu di Israel ku Judá.

Jeremias 33:7

N na ribanta Judá ku Israel di katiberasku, N na kumpu elis suma na kumsada.

Jeremias 50:4

“Ami, SIÑOR, N fala kuma, na ki tempu, fijus di Israel ku Judá na bin juntu, e na yanda e na cora pa buska SIÑOR se Deus.

Ezekiel 11:20

pa e pudi yanda konformi ña leis, pa e pui sintidu pa obdisi ña ordis. Elis e na sedu ña pobu, ami N na sedu se Deus.

Ezekiel 34:24

Ami, SIÑOR, N na sedu se Deus; ña servu Davi na sedu rei na se metadi. I ami, SIÑOR, ku fala e kusa.

Ezekiel 34:31

Abos, ña karnel, ña koral ku N ta da di kume, bo sedu ña pobu, N sedu bo Deus. Asin ku SIÑOR Deus fala.’ ”

Ezekiel 36:28

Bo na mora na tera ku N da bo papes, bo na sedu ña pobu; ami N na sedu bo Deus.

Ezekiel 39:22

Disna di ki dia pa dianti, pobu di Israel na sibi kuma N sedu SIÑOR se Deus.

Ezekiel 39:25

Asin ku SIÑOR Deus fala: “N na torna tisi fijus di Jakó ku staba na katiberasku, N na sinti pena di tudu pobu di Israel. N na difindi ña nomi santu.

Oseias 1:11

Fijus di Judá ku fijus di Israel na junta, e na kuji un ŝef son; kusas na kuri elis diritu na tera, pabia dia di Jizreel na sedu garandi.

Sirmonias 26:12

N na yanda na bo metadi, N na sedu bo Deus; bo na sedu ña pobu.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Bon Noba di Jesus Kristu ku Jon 20:17

Jesus falal: “Ka bu pegan, pabia N ka subi inda pa ña Pape, ma bai pa ña ermons, bu fala elis kuma N na subi pa ña Pape ki bo Pape, ña Deus ki bo Deus.”

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

Ebreus 12:16

pa i ka ten ningin na bo metadi ku vida susu, o algin ku pensamentu de mundu, suma Esaú, ku bindi si diritu di garandesa pabia di un pratu di kumida.