Jeremias 30:7 - BIBLIA - traduson antigu in Krioulo

⁷ Ki dia na sedu dia meduñu; i ka na ten utru dia ku parsi ku el! I na sedu tempu di foronta pa Jakó, ma i na libradu del.

Jeremias 30:7 ပူးပေါင်းရင်းမြစ်များ

Kumsada 32:7

Jakó sinti medu, i panta; i rapati jinti ku staba ku el, tudu ku karnelis ku bakas ku kamelus, na dus grupu,

Salmus 25:22

O Deus, liberta Israel na tudu si forontas.

Salmus 34:19

Omi justu pudi tene manga di fadiga, ma SIÑOR ta libral del tudu;

Isaias 20:6

Na ki dia, jinti ku mora lungu di mar na fala: ‘Jubi ke ku pasa ku ki jinti ku no na speraba nel, ku no kuri pa e sakuranu, e libranu di rei di Asiria! Kuma ku no na bin kapli?’ ”

Jeremias 14:8

O, Speransa di Israel, si Salbadur na tempu di foronta! Ke ku manda bu sedu suma ospri na tera, suma algin di bias ku na pasa un noti son?

Jeremias 2:27

E ta fala po: ‘Abo ki ña pape;’ e ta fala pedra: ‘Abo ku padin.’ E dan kosta, e ka ta jubi pa mi, ma ora ke foronta, e ta falan: ‘Lanta bu judanu.’

Jeremias 2:28

Nta nunde bu deusis ku bu kumpu pa bo? I elis ku dibi di lanta si e pudi judau na tempu di bu foronta. O Judá, bu deusis e ciu suma bu prasas.”

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Miskiñu di Jeremias 1:12

“Nta i ka nada pa bos ku pasa na kamiñu? Bo para sintidu, bo jubi, si i ten dur suma di mi, ku bin riba di mi suma oca SIÑOR kastigan na dia di si raiba forti.

Miskiñu di Jeremias 2:13

Ke ku N pudi falau? O pobu di Jerusalen, ku kin ku N pudi komparau? O fiju di Sion, ku kin ku N na parsintiu pa N pudi dau koraẑen? Bu caga fundu dimas, suma mar; kin ku pudi kurau?

Miskiñu di Jeremias 4:6

Kastigu di ña pobu i pior di ki kil di Sodoma, ku bin kai di repenti sin tarbaju di mon di omi.

Daniel 12:1

“Na ki tempu Migel, ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunka ka tenba disna ku nasons ten te na ki dias. Na ki tempu bu pobu na libradu, kada un ku si nomi ojadu skritu na libru di Deus.

Daniel 9:12

Bu kumpri bu palabra ku bu papia kontra nos, tambi kontra no juisis ku ta julganu, bu tisi garandi mal riba di nos. Nunka na kualker parti di mundu i ka kontisi suma ki kontisi na Jerusalen.

Oseias 1:11

Fijus di Judá ku fijus di Israel na junta, e na kuji un ŝef son; kusas na kuri elis diritu na tera, pabia dia di Jizreel na sedu garandi.

Joel 1:15

Ai, ki dia! Dia di SIÑOR sta ja pertu; i na bin ku garandi danu di Deus ku ten tudu puder.

Joel 1:2

Abos garandis, bo para atenson; bo sukuta, abos tudu ku mora ne tera. Nta es ciga di kontisi na bo tempu, o na tempu di bo papes?

Joel 2:11

SIÑOR yalsa fála dianti di si tropas, ku ciu dimas; kilis ku na obdisi si ordis e forti. Dia di SIÑOR i garandi, i meduñu; kin ku pudi nguental?

Joel 2:31

Sol na bida sukuru, lua na bida sangi, antis di ciga ki dia garandi i meduñu di SIÑOR.

Mikeias 4:9

Gosi, ke ku manda bu na grita risu ne manera? Nta rei ka ten na bo? O bu konsijaduris muri tudu, ku manda dur toma konta di bo suma minjer ku na padi?

Abakuk 3:16

N obi ki kusa; ña korson bati. N obi si baruju; ña boka tirmi. N staba suma ña os na podrisiba; ña pernas na tirmiba. Ma N na diskansa, N na pera dia di kastigu pa i bin riba di pobu ku na bin kontra nos.

Zakarias 14:7

ma i na sedu un dia ku SIÑOR kunsi. I ka na ten di dia nin di noti; di tardi lus na ten.

Malakias 4:1

SIÑOR ku ten tudu puder fala: “Jubi, ki dia na bin, i na yardi suma furnu. Tudu jinti orgulyosu ku tudu kilis ku ta fasi mal e na sedu suma paja; ki dia ku sta pa bin na kema elis, tok e ka na disadu nin se rais, ku fadi ramu.

Markus 13:19

pabia na ki dia i na ten garandi foronta, ku si koldadi nunka ka ciga di kontisi disna di kumsada di mundu ku Deus kumpu te aos, nin nunka mas i ka na ten suma el.

Atus 2:20

Sol na bida sukuru; lua na bida sangi antis di ciga ki dia garandi i gloriosu di Siñor.

Romanus 11:26

Asin tudu Israel na sedu salbu, suma ki sta skritu: “Libertadur na bin di Sion; i na tira tudu maldadi di Jakó.

Apokalipsi 6:17

I ciga dia garandi di se raiba. Kin ku pudi nguental?