Jeremias 3:8 - BIBLIA - traduson antigu in Krioulo

⁸ N da Israel infiel un karta di kaba kasamenti. N dispidil pabia di si pekadu di kai cai. N oja kuma Judá, si irma infiel, i ka ten medu, ma tambi i bai ntrega si kurpu na mau vida.

Jeremias 3:8 ပူးပေါင်းရင်းမြစ်များ

2 Kronikas 21:11

I kumpu kaus altu di ronia na montis di Judá, i pinca jinti ku mora na Jerusalen ku na Judá pa e bai fasi kusas nujenti kontra SIÑOR.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 3:1

SIÑOR fala: “Si un omi dispidi si minjer, kila sai na si mon, i bai kasa ku utru omi, ki purmeru omi ka pudi torna risibil. Si i fasi es, i na kontamina tudu tera. Ma abo, Israel, ku na yanda na mau vida ku manga di amanti, bu misti riba pa mi?

Jeremias 33:24

“Nta bu ka nota kuma e jinti na fala: ‘SIÑOR nega ki dus jorson ki kuji’? Asin e na njuti ña pobu, e ka ta jubi elis suma nason.

Jeremias 5:7

“Kuma ku N pudi purdau? Bu fijus e disan, e ta jurmenta na nomi di kilis ku ka sedu deusis. N da elis tudu ke pirsisa, ma e bai fasi pekadu seksual; e bai junta na grupu na kasa di minjeris di mau vida.

Ezekiel 16:46

Bu irma mas beju i Samaria, ku sta na norti di bo ku si fijus femia. Bu irma mas pikininu i Sodoma, ku sta na sul di bo ku si fijus femia.

Ezekiel 16:47

I ka son kuma bu yanda na se kamiñu, bu kopia se kustumus nujenti, ma, suma es i ka nada, bu fasi mas pior di ki elis, na tudu kusas ku bu fasi.

Ezekiel 16:51

Tambi Samaria ka fasi metadi di bu pekadus, pabia bu buri bu kustumus nujenti mas di ki elis. Tudu ki kusas nujenti ku bu ta fasi, i ta pui bu irmas parsi justu.

Ezekiel 23:44

Asin e dita ku el. Suma ku algin ta dita ku minjer di mau vida, asin ke dita ku ki dus minjer di mau fama, ku sedu Aolá ku Aolibá.

Ezekiel 23:9

“Pabia di kila N ntregal na mon di si amantis, ku sedu omis di Asiria, ki bai se tras.

Oseias 3:4

Na mesmu manera fijus di Israel na fika manga di tempu sin rei, sin ŝef, sin sakrifisiu, nin kuluna sagradu, nin efodi, nin imaẑen.

Ripitison di Lei 24:1

I pudi sedu ku un omi kasa ku minjer; dipus i ka bin gosta del pabia i oja un kusa fiu nel, i skirbi karta di kaba-kasamenti, i dal el, i dispidil di si kasa.

Ripitison di Lei 24:3

Ki sugundu omi tambi i pudi bin ka gosta di minjer, i skirbi karta di kaba-kasamenti, i dal el, i dispidil di si kasa; o ki sugundu omi ku kasal i pudi muri.