Jeremias 3:24 - BIBLIA - traduson antigu in Krioulo

²⁴ Disna di no nobresa, Baal, ki deus di borgoña, i kume tarbaju di no papes — se karnel, se bakas ku se fijus macu ku femia.

Jeremias 3:24 ပူးပေါင်းရင်းမြစ်များ

Jeremias 11:13

O Judá! Konformi numeru di bo prasas, asin ku bo deusis sta. Konformi numeru di ruas di Jerusalen, asin ki numeru di bo altaris ku bo kumpu pa kema nsensu pa Baal, ki deus di borgoña.

Jeremias 22:21

N papia ku bo oca kusas na kuriu diritu, ma bu fala kuma bu ka na obi. Asin ki bu manera disna di bu juventudi; nunka bu ka para sintidu pa ña palabra.

Jeremias 44:7

“Asin ku SIÑOR ku ten tudu puder, Deus di Israel, na punta aos: ‘Ke ku manda bo tisi e mal garandi riba di bo kabesa? Bo rinka omis, minjeris, mininus, ku kilis ku na mama, na tera di Judá, pa ka bo bin sobra nin un son.

Jeremias 8:16

Desdi Dan i na obidu folgu di se kabalus. Tudu tera ta tirmi ku vos di kabalus forti. E na bin pa nguli tera ku tudu ku sta nel, ku prasas ku kilis ku mora nelis.”

Jeremias 9:18

E dibi di bin dipresa pa e cora riba di nos, pa no uju pudi darma larmas, pa yagu kuri na uju suma riu.

Ezekiel 16:19

Ki kumida ku N dau pa bu kume, ku sedu pon kumpudu ku foriña finu, azeiti di olivera ku mel, bu pursental se dianti suma oferta ku ta cera sabi. Asin ku bu fasi; i SIÑOR Deus ku fala.

Ezekiel 16:20

“‘Fora des, bu toma bu fijus macu ku femia ku bu padi ku mi, bu sakrifika elis pa ki imaẑens, pa e sedu se kumida. Nta bu pekadu seksual i ka justaba?

Ezekiel 16:61

Bu na lembra di manera ku bu ta yandaba tok bu sinti borgoña, ora ku bu risibi bu irmas mas beju ku kilis mas nobu, pabia N na dau elis suma fijus femia, mesmu ki ka sedu parti di ña kontratu ku bo.

Ezekiel 16:63

N na purdau tudu kusas mau ku bu fasi, ma bu na lembra delis, bu na sinti borgoña tok bu ka na yabri boka mas. Asin ku SIÑOR Deus fala.’ ”

Oseias 10:6

Ki idulu na lebadu pa Asiria suma pursenti di mpustu pa rei Jareb. Efrain na fika na kunfuson, Israel na sta na borgoña pabia i seta konsiju di idulu.

Oseias 2:8

I ka rikuñisi kuma i ami ku dal miju, biñu nobu ku azeiti; i ami ku dal manga di prata ku uru, ke usa pa Baal.

Oseias 9:10

Deus fala: “Purmeru dia ku N oja Israel, i suma ora ku algin oja uvas na lala; N oja bo papes, N kontenti ku elis, suma ora ku algin oja purmeru figu kusidu, ma e bai pa Baal-Peor, e dedika pa ki kusa di borgoña; e bida nujenti suma ki kusa ke ama.