Jeremias 29:13 - BIBLIA - traduson antigu in Krioulo

¹³ Bo na buskan, bo na ojan, ora ku bo buskan ku tudu bo korson.

Jeremias 29:13 ပူးပေါင်းရင်းမြစ်များ

1 Reis 2:4

Tambi SIÑOR na konfirma si palabra ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’

2 Reis 23:3

Rei firma lungu di kuluna, i fasi kontratu dianti di SIÑOR, kuma e na yanda ku SIÑOR, e obdisi si mandamentus, leis ku regras, ku tudu se korson ku alma, pa konfirma palabras di kontratu ku staba skritu na ki libru. Tudu pobu konkorda pa guarda ki kontratu.

1 Kronikas 22:19

Gosi, bo pui bo sintidu ku tudu bo korson pa buska SIÑOR bo Deus; bo lanta, bo kumpu kau sagradu di SIÑOR Deus, pa arka di si kontratu, ku kusas sagradu di Deus, pudi tisidu pa kasa ku na bin kumpudu pa si nomi.”

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

2 Kronikas 22:9

Dipus Akazias buskadu; e prindil oca ki na sukundi na Samaria. E lebal pa Jeu, e matal, e nteral, pabia e fala: “El i fiju di Jeosafá, kil ku buska SIÑOR ku tudu si korson.” Asin i ka tenba ja mas ningin na familia di Akazias ku teneba forsa pa rena.

2 Kronikas 31:21

Tudu kuril diritu, pabia ora ki kumsa fasi kualker tarbaju pa sirvis di kasa di Deus, i ta fasil konformi lei ku mandamentus, i ta buska si Deus, i tarbaja ku tudu korson.

Salmus 119:10

N buskau ku tudu ña korson; ka bu disan disvia di bu mandamentus.

Salmus 119:145

N na comau ku tudu korson; sukutan, SIÑOR; N ta obdisi bu regras.

Salmus 119:2

Sortiadu i kilis ku obdisi si nsinamentus, e buskal ku tudu se korson.

Salmus 119:58

N buska bu fabur ku tudu ña korson; sinti pena di mi, konformi bu palabra.

Salmus 119:69

Jinti orgulyosu susan ku mintida, ma ami, N guarda bu ordis ku tudu ña korson.

Salmus 145:18

SIÑOR sta pertu di tudu jinti ku ta comal, di tudu kilis ku ta comal ku bardadi.

Salmus 32:6

Suma ki sedu asin, tudu omi ku ta yanda ku bo i na bin pa rogau na tempu ku bu ta ojadu. Ora ku manga di yagu rebenta, i ka na yangasa ki omi.

Salmus 91:15

I na coman, N na kudil. N na sta ku el na foronta, N na libral, N dal rispitu dianti di jinti.

Isaias 45:19

N ka papia kusas na sigridu, nin na un kantu sukuru di tera. N ka fala jorson di Jakó pa e buskan amonton. Ami i SIÑOR ku ta papia bardadi; N ta konta kusas sertu.

Isaias 65:10

Saron na sedu lugar di bakia karnel; kobon di Akor na sedu kau di diskansu pa bakas ku pertensi ña pobu ku buskan.

Jeremias 24:7

N na da elis korson pa e kunsin, e sibi kuma ami i SIÑOR; e na sedu ña pobu; ami N na sedu se Deus, pabia e na riba pa mi ku tudu se korson.

Jeremias 3:10

Ku tudu es, Judá, si irma infiel, i ka riba pa mi ku korson di bardadi, ma ku finjimentu.” Asin ku SIÑOR fala.

Jeremias 50:4

“Ami, SIÑOR, N fala kuma, na ki tempu, fijus di Israel ku Judá na bin juntu, e na yanda e na cora pa buska SIÑOR se Deus.

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Joel 2:12

SIÑOR fala: “Mesmu ne ora, bo riba pa mi ku tudu bo korson; bo junjuŋa, bo cora, bo miskiña.

Mateus 7:7

“Bo pidi, bo ta dadu; bo buska, bo ta oja; bo bati porta, i ta yabridu pa bos.

Atus 8:36

Oca ke na pasa pertu di un lugar ku teneba yagu, funsionariu fala: “Ali yagu. Ke ku na tujin pa N batisadu?” [