Jeremias 29:12 - BIBLIA - traduson antigu in Krioulo

¹² Dipus bo na coman, bo na ba ta papia ku mi; N ta obi bos.

Jeremias 29:12 ပူးပေါင်းရင်းမြစ်များ

2 Kronikas 33:13

Oca ki ora, Deus setal, i obi si pididu, i torna tisil pa si renansa na Jerusalen. Disna di ki dia, Manasés bin sibi kuma SIÑOR i Deus.

2 Kronikas 6:38

si e riba pa bo ku tudu se korson, ku tudu se alma, mesmu la na tera di se inimigus ku leba elis katibu, si e papia ku bo, e vira rostu pa banda di se tera ku bu da se papes, pa e prasa ku bu kuji, pa e kasa ku N kumpu pa bu nomi,

Jo 22:27

bu na papia ku el, i na obiu; bu na kumpri bu purmesa.

Salmus 10:17

SIÑOR, bu obi diseẑus di jinti mansu. Bu na obi elis, bu da elis koraẑen,

Salmus 145:19

Kilis ku rispital, i ta da elis kusa ke misti, i ta obi elis ora ke na comal, i ta salba elis.

Salmus 50:15

Coman na dia di foronta; N na librau; bu na glorifikan.”

Isaias 26:16

SIÑOR, e buskau na foronta oca ku bu kuriẑi elis; e tira tudu se orason ku vos pikininu.

Isaias 30:19

Pobu di Sion ku mora na Jerusalen, bu ka na cora mas. Ora ku bu coma SIÑOR, i na obi bu vos, i na sinti pena di bo, i kudiu.

Isaias 65:24

Antis de coma, N na kudi; nkuantu e na papia inda, N na obi.

Jeremias 31:9

Ora ke na bin, e na ba ta cora; ora ku N na tisi elis, e na ba ta ora. N na gia elis lungu di riusiñus di yagu, na bon kamiñu ku ka na pui algin pa i kai, pabia N sedu pape pa Israel; Efrain i ña purmeru fiju.

Jeremias 33:3

Coman, N ta kudiu, N ta kontau kusas garandi, sukundidu, ku bu ka sibi.

Jeremias 50:4

“Ami, SIÑOR, N fala kuma, na ki tempu, fijus di Israel ku Judá na bin juntu, e na yanda e na cora pa buska SIÑOR se Deus.

Jeremias 51:50

“Abos ku kapli di spada, bo bai, ka bo tarda! Mesmu ku bo sta lunju, bo lembra di SIÑOR, bo pensa na Jerusalen.

Ezekiel 36:37

“Asin ku ami, SIÑOR Deus, N fala: Mas un bias N na seta pididu di pobu di Israel. N na fasi es pa elis: N na pui jinti pa e ciu, suma karnel,

Oseias 14:9

Kin ki jiru? I na sibi kuma e kusas i sertu. Kin ku ten ntindimentu? I na ntindi elis. Kamiñus di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”