Jeremias 28:9 - BIBLIA - traduson antigu in Krioulo

⁹ ma anunsiadur ku fala kuma pas na ten, son ora ku si palabra kumpri ki ta kunsidu suma algin ku SIÑOR manda na bardadi.”

Jeremias 28:9 ပူးပေါင်းရင်းမြစ်များ

Isaias 44:26

I ami ku ta pui palabra di ña servu pa i sedu. Si N manda algin pa i jumna konta un kusa, N ta pui pa i sedu bardadi. I ami ku na fala Jerusalen kuma i na tene moraduris; N fala prasas di Judá kuma e na torna kumpudu; N na lantanda elis di ki stragu.

Jeremias 14:13

N falal: “A SIÑOR, SIÑOR! Anunsiaduris na fala elis kuma e ka na oja spada, nin e ka na tene fomi, pabia bu na da elis pas di bardadi ne kau.”

Jeremias 4:10

N falal: “O SIÑOR Deus! Na bardadi bu ngana e pobu ku Jerusalen, bu fala kuma e na ten pas, ma spada na ameasanu.”

Jeremias 6:14

E ta kura cagas di ña pobu suma i ka nada. E ta fala: ‘Pas, pas,’ kontra pas ka ten.

Jeremias 8:11

E ta kura cagas di ña pobu suma i ka nada. E ta fala: “Pas, pas” kontra pas ka ten.

Ezekiel 33:33

Ora ku e kusas bin sedu (suma ki ten ku bin sedu), e na sibi kuma i tenba un anunsiadur na se metadi.”

Ripitison di Lei 18:21

Bu pudi bin punta na bu sintidu: “Kuma ku no na sibi si un palabra ka bin di SIÑOR?”

Ripitison di Lei 18:22

Si palabra ku un anunsiadur fala na nomi di SIÑOR ka bin sedu bardadi, bu ta sibi kuma ki palabra, i ka SIÑOR ku papial, ma i ki anunsiadur propi ku falal. Ka bu ten medu del.